Şou-biznes

"İçərişəhərdə niyə elə mahnı səslənməlidir?" – VİDEO

30 Noyabr 2023 22:24
Baxış: 1 169
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Mən Musiqi İndustriyası Platformasında "bayağı" adlandırılan musiqi mövzusundan danışmaq istəyirəm. İnternetdə kimin nəyi dinlədiyi onun şəxsi işidir. Amma əsas problem ondadır ki, belə musiqilərə televiziya və radiolarda rast gəlirik. Televiziya və radio aparıcılarının bayağı mahnı oxuyan ifaçıları necə təriflədiyini görürük. Problem ondadır ki, onları necə təqdim edirlər. O təqdimatlar insanın beyninə elə işləyir ki... Onlara "sənətkar" deyirlər və ondan da ən böyük problem odur ki, onlar artıq özlərinə "sənətkar" deyirlər". 

Milli.Az bizim.media-ya istinadən xəbər verir ki, bu sözləri Əməkdar artist Sevda Ələkbərzadə Mədəniyyət və Yaradıcı Sənayelər Forumu çərçivəsində təşkil olunan Musiqi İndustriyası Platformasında "Rəqəmsal dövrdə musiqi sənayesinin eko-sistemdə formalaşması" adlı panel-sessiyada deyib. 

Sənətçi hazırda efirləri zəbt edən bayağı musiqilərdən söz açıb: 

"Şəxsən mən ətrafda elə "sənətkar"lar olanda "sənətkar" olmaq istəmirəm. Artıq balaca uşaq bilmir ki, hansı musiqi keyfiyyətlidir, hansı bayağı. O sadəcə görür, eşidir və ona bu, təsir edir. Bir dəfə İçərişəhərdə özüm üçün video çəkmişdim. Orada fonda elə bir mahnı səslənirdi ki, vallah, nə deyim... Bura İçərişəhərdir. Tarixi məkan. Həmin o cür bayağı musiqi niyə orada səslənməlidir? 

Qeyd edək ki, ötən il S.Ələkbərzadə İçərişəhərdə keçirilən konsertdə həmkarı Türkan Vəlizadənin "Ağlıma bir ad gəlir" mahnısının səsləndirilməsinə sosial şəbəkə hesabında etiraz etmişdi. Onun bu iradı isə sosial şəbəkələrdə müzakirə predmetinə çevrilmişdi. 

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.