Şou-biznes

Aygün Kazımovanın yeni seçimi: Namiq əvəzinə Üzeyir? - YENİLƏNİB - VİDEO - FOTOSESSİYA

2 May 2012 16:48
0 Şərh     Baxış: 6 903
15:59

Milli.Az xəbər verir ki, üsyankar qərarları ilə daim şou gündəmində yeniliklər edən Azərbaycanın xalq artisti, tanınmış estrada ulduzu Aygün Kazımova bir neçə saat bundan əvvəl ATV-də Nanə Ağamalıyevanın təqdimatında yayımlanan "Gün keçir" verilişində həm ifa etdiyi mahnıları, həm gənc bəstəkar-müğənni Üzeyir Mehdizadə ilə oxuduğu "Qoy bütün aləm bizdən danışsın" dueti, həm də geyimi ilə tamaşaçılarını heyrətləndirdi. Təqdim etdiyimiz fotolardan da görünür ki, Aygün xanımın geyimi və aksessuarları dünyaca məşhur və qlamur ulduzların seçim etdikləri kolleksiyalardandır. Bu il həmin brendin yeni üzü Hollivud ulduzu Lindsay Lohan seçilib.

Türkiyə şou-biznesinə qatılmağı qarşısına məqsəd qoyduğu vaxtda, gözlənilməz duetin ortaya çıxması çoxlarını təəccübləndirsə də, Kazımova Milli.Az-ın əməkdaşı ilə söhbəti zamanı təsdiqlədi ki, yenə də öz bildiyini etməkdə heç kimdən məsləhət almadı: "2-3 gündən sonra yenidən İstanbula yola düşüb Ajda Pekkan, Hande Yener və başqa ulduzlara mahnı yazmış Sinan Akçildən aldığım bəstənin son tamamlanma işləri ilə tanış olacağam. İstədim ki, daha bir partlayış edim. Bununla da, Bakıda olmadığım müddət ərzində pərəstişkarlarımı hansısa bir mövzunu müzakirə etmək hüququndan məhrum etməyim.

Prodüserim Tolik Üzeyir Mehdizadə ilə duet oxumaq təklifini irəli sürəndə tərəddüd etmədən "hə" cavabı verdim. Yaşının az olmasına baxmayaraq, Üzeyir çox ağıllı, tərbiyəli və özünə hörmət etməyi bacaran müğənnidir. Yaradıcılığı ilə yaxından tanış olmasam da "Gün keçir"in ötən canlı yayımlarının birində onun təkləndiyini gördüm və qərarımı qətiləşdirdim ki, bu gənci dəstəkləməliyəm. Artıq bu öz bəhrəsini verdi. Yaxın gələcəkdə tanınmış türk müğənniləri ilə duetlərim də olacaq. İstədim ki, vətənimdə xalq sevgisini qazanan Üzeyirlə də bir layihə həyata keçirdim. Uğur gətirəcəyinə əminəm. Mahnı bu gündən başlayaraq bütün radio dalğalarında səslənəcək".

Söhbətimiz zamanı Üzeyir də ona verdiyi dəstəyə görə Aygün xanıma təşəkkür edərək, ehtiyac yarandığı halda, müəllifi olduğu "Qoy bütün aləm bizdən danışsın" mahnısının davamını yazmağa hazır olduğunu söylədi.
 
----------
12:42

Milli. Az bildirir ki, proqram əsnasında Aygün studiyaya dəvət edilmiş qonaqlardan biri ilə duet oxuyub.

Həmin qonaq isə Üzeyir Mehdizadə idi.

Şahin Cavadsoy
Milli.Az

----------
17:48

Videonu izləmək üçün aşağıdakı şəklə klikləyin.







































































































































Fotolar: Şahin Cavadsoy
loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.