Şou-biznes

"Bəzən yıxılmışam, bəzən də yıxmaq istəyiblər"

21 İyun 2022 01:30
2 Şərh     Baxış: 773

"İlk dəfə "Pərvanələrin rəqsi" serialındakı Afət obrazı mənə uğur gətirdi. Daha sonra "Vicdan haqqı", "Bozbaş pictures" seriallarındakı obrazlarım tamaşaçılar tərəfindən sevildi. Hər obraz, hər rol mənə uğur gətirib. Buna görə tamaşaçılarıma təşəkkür edirəm. Kimlər ki, məni sevir, sevmir hamısına. Bir insanı, aktrisanı hamı hamı sevə bilməz. Elə insanlar var ki, həzm edə bilmir, qəbul etmir".

Milli.Az xəbər verir ki, bunu moderator.az-a açıqlamasında tanınmış aktrisa Sonaxanım Əliyeva bildirib. O daha sonra əlavə edib.

"Nə qədər olub ki, yıxılmışam, ağlamışam və yenidən ayağa durmuşam. Bəlkə də Allahın bir sınağı olub. Məsəl var, deyirlər ki, "özü yıxılan ağlamaz". Bəzən özüm yıxılmışam, bəzən də yıxıtmaq istəyiblər, yıxıblar da. Amma ayağa qalxmışam. Mən bir insanı həyatımdan kəsməyim, kəsdimsə, həyatımdan kənarlaşdırdımsa artıq o insan ayağımın altına qırmızı yox, qızıldan da xalça sərsə geri qayıtmağın mümkünatı yoxdur. Bəzən biz aktrisaları qınayırlar ki, toylara gedirlər, oxuyurlar. Yaxşı, bəs biz necə dolanaq? Mən teatrda çalışmıram, çəkilişlərim çox azdır, nə etməliyəm? Ehtiyac üzündən restoranlarda oxumuşam, sonradan toy biznesinə başlamışam" deyə sənətçi bildirib.

Aktrisa bir müddət əvvəl dünyasını dəyişən anasından da danışıb.

"Hələ də inanmıram ki, anam dünyasını dəyişib. Elə bilirəm ki, qapı açılacaq, nə vaxtsa içəri daxil olacaq. Ananın itkisinə kim inanır ki, mən də inanım? Çox çətindir, çox! Nə qədər çalışıramsa möhkəm olum, amma alınmır. Bu dərd məni içəridən yeyir. Həyatımda nəsə çatışmır, nəsə yoxdur. Onu tez-tez ziyarət edirəm, baş daşı ilə söhbət edirəm. Çox təəssüf ki, mən onu son mənzilə yola sala bilmədim. Nankor övlad olmamışam, ona yaxşı övlad olmuşam. Sadəcə olaraq onu məndən küsdürdülər. Kaş yaşayardı, eybi yox məni danışdırmazdı, amma yaşayardı" deyə aktrisa bildirib.

Milli.Az

Məqaləyə dair fotomateriallar:

İllik 14.5%-dən 30 000 manat zaminsiz komissiyasız kredit

Şərh yaz:

2 Şərh:

  • Anonim
    Güldeste · 21 İyun 11:0260

    Sonaxanım gözel insandır ve gözeldirde. Men Sonaxanımın fanatıyam-seni öpürem eziz bacım,Allah seni var etsin

    Cavab yaz
  • Anonim
    6hiss · 21 İyun 14:0940

    bizim ovladimizin toyun cox gozel apardi ve oxudu her terefli istedadlidi

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics