Şou-biznes

Azərbaycanlı ulduzlar “Netflix”də

11 Mart 2022 11:12

0 Şərh Baxış: 1 375

VTB-də minimal faiz dərəcəsi ilə nağd kredit 10.49%-dən

Azərbaycan istehsalı olan "Çat kapı aşk" və "Qış nağılı" filmini "Netflix" platforması satın alıb.

Milli.Az xəbər verir ki, bu barədə olay-a hər iki ekran işinin rejissoru Cəfər Axundzadə məlumat verib.

O bildirib ki, həmin layihələri Fox televiziyası da əldə edib:

"Eyni zamanda "Amazon" da "Çat kapı aşk" filmi üçün müraciət etdi. Bundan başqa, "Qış nağılı" Türkiyədə nümayiş olunacaq. Bu ekran işinə də Fox TV namizəddir".

Qeyd edək ki, "Çat kapı aşk" filmini rejissor aktyor Elməddin Cəfərovla birgə ərsəyə gətirib. Ekran işində Müge Boz, Nergis Kumbasar, Jess Morro kimi simalar rol alıb. "Qış nağılı"nın komandasında əksəriyyət azərbaycanlı məşhurdur.

Belə ki, ekran işində Xalq artistləri Səidə Quliyeva, Murad Dadaşov, Əməkdar artist Sənubər İsgəndərli, keçmiş Avroviziya təmsilçilərimiz Dilarə Kazımova, Samirə Əfəndi, aktyor Taleh Yüzbəyov, Kəmalə Piriyeva, Oksana Rəsulova, Elcan Rəsulov və başqaları yer alıb. Eyni zamanda türkiyəli müğənni Halil Sezai və Müge Boz da filmdə çəkilib.

Milli.Az