Şou-biznes

Azərbaycanlı qız 5 milyonluq tacı almağa iddialıdır

9 Dekabr 2021 13:42
2 Şərh     Baxış: 1 457

Rusiyanın nüfuzlu "Komsomolskaya Pravda" nəşri "Kainat gözəli" yarışmasında yer alan azərbaycanlı Ralina Arabova barədə geniş məqalə dərc edilib. 

Milli.Az Olay-a istinadən xəbər verir ki, portalın yazdığına görə, dekabrın 12-də İsrailin Eylat şəhərində baş tutacaq yarışmada Ralina tacı almağa iddialıdır.  Bildirək ki, birinci yerin sahibinə 62,83 karat ağırlığında iki minə yaxın almazdan ibarət 5 milyon dollarlıq qızıl tac təqdim olunacaq. 

Nəşr yazır ki, 22 yaşlı Ralina çox uşaqlı ailədə doğulub, tatar anası təmizlik işçisi, azərbaycanlı atası şəhərdən kənarda fəaliyyət göstərən kafedə çalışıb.  

"Mən 8 yaşımdan gözəllik müsabiqələrində iştirak edirəm və yalnız "Kainat gözəli"nə düşməyi xəyal edə bilərdim. Qalib gəlsəm, qələbəmi anam Raniyə həsr edəcəm. O, mənim əsas ilhamvericimdir, hər şeydə məni dəstəkləyir. Uşaqlıqda məni ilk dəfə məktəbdən müsabiqəyə göndərəndə paltarlar, mahnılar, nömrələr hazırlayan anam idi. Təəssüf ki, mənimlə İsrailə gedə bilməyəcək - pasport almağa vaxtı yox idi",- deyə Ərəbova müsahibəsində bildirib.

Ralina hazırda iki universitet -Kazan Energetikada qiyabi olaraq reklamçı, Rusiya Federasiyası Hökuməti yanında Maliyyə Universitetində  hüquqşünas kimi tam ştatda təhsil alır. 

"Qlobal nöqteyi nəzərdən mənim bir fikrim var. Böyük və ehtiyacı olan uşaqlar üçün yaradıcılıq məktəbi açmaq istəyirəm. Valideynlər üçün övladının inkişafını təmin etməyin nə qədər çətin olduğunu özümdən bilirəm. Musiqi məktəbini, fleyta sinfini bitirmişəm, üzgüçülüklə məşğul olmuşam. Kifayət qədər pul olmasa da bəzən anam uşaqları lazım olan hər şeylə təmin etmək üçün özünə qış çəkmələri ala bilmirdi", -azərbaycanlı iştirakçı bildirib. 

Milli.Az

Məqaləyə dair fotomateriallar:

35 000 AZN-dək krediti ONLAYN sifariş et!

Şərh yaz:

2 Şərh:

  • Anonim
    elvin · 9 Dekabr 2021 15:3310

    estetika sağolsun.

    Cavab yaz
  • Anonim
    asi · 9 Dekabr 2021 18:0700

    mən bu qızdan gözələm.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.