Gilasın faydaları nələrdir? Gilasın zərəri varmı?

Gilas qızılgülçiçəklilər fəsiləsindən (Rosaceae), prunus cinsinə aid müxtəlif ağacların meyvəsidir. Aşağı kalorili olan gilas lif, C, A və K vitaminləri, kalium, kalsium, maqnezium kimi minerallar və digər sağlamlıq üçün faydalı maddələrlə zəngindir.

Milli.Az gilasın əsas faydalarını təqdim edir:

İmmunitet sistemini gücləndirir.

İltihabı azaldır.

Ürək sağlamlığını qoruyur.

Ödəmi atmağa kömək edir.

Bədəni zəhərli maddələrdən təmizləyir.

Böyrək daşı və qum yaranmasının qarşısını alır.

Qadınlarda menopauza dövründə stres səviyyəsini yüngülləşdirir.

Qan şəkəri səviyyələrini yaxşılaşdırır (Aşağı qlisemik indeksinə malik olduğu üçün diabet xəstələri üçün faydalı ola bilər).

Xərçəng riskini aşağı salır (Tərkibindəki antosiyanin və melatonin hüceyrə zədələnməsindən qoruyur).

Xolesterin səviyyələrini idarə etməyə kömək edir.

Həzmi yaxşılaşdırır (Lifli quruluşu sayəsində qəbizliyin qarşısını alır).

Əzələ ağrılarını yüngülləşdirir (İdman sonrası bərpanı sürətləndirir).

Yuxunu yaxşılaşdıra bilər (Tərkibindəki melatonin sayəsində).

Podaqra (gut) xəstəliyində kəskinləşmə riskini azalda bilər.

Gilasın qida dəyərləri (100 qram üçün):

Kalori: 50 kcal

Karbohidrat: 12 q (bunun 8 q-ı şəkər, 1,6 q-ı isə pəhriz lifidir)

Zülal: 1 q

Yağ: 0,3 q

C Vitamini: 10 mq

Kalium: 173 mq

Kalsiyum: 16 mq

Maqnezium: 9 mq

Dəmir: 0,3 mq

Xolesterin: 0 mq

Natrium: 3 mq

Gilasın zərərləri və əks təsirləri:
Gilas sağlamlıq üçün faydalı olsa da, həddindən artıq istehlakı və ya fərdi həssaslıq bəzi problemlərə yol aça bilər:

Mədə-bağırsaq problemləri: Yüksək lif və fruktoza (təbii şəkər) ehtiva etdiyi üçün çox yeyildikdə qaz, köp və ishal yarada bilər (Xüsusilə Qıcıqlanmış Bağırsaq Sindromu - IBS və fruktoza dözümsüzlüyü olanlarda).

Allergiya: Bəzi insanlarda birbaşa gilasın özünə və ya çarpaz reaksiya (məsələn, tozağacı tozcuğuna qarşı allergiya) nəticəsində allergik reaksiyalar yarana bilər.

Qaraciyər piylənməsi və insulin dirənci: Həddindən artıq şəkər (fruktoza) qəbulu səbəbindən yaranma riski var.

Dərmanlarla qarşılıqlı təsir: Xüsusilə qan durulaşdırıcı dərmanlar qəbul edən şəxslər gilas istehlak edərkən diqqətli olmalı və həkimlə məsləhətləşməlidirlər.

Lalə Qüdrətova
Milli.Az