Rusiya

Vahid Ələkbərovun oğlu vəzifəsini tərk edir

17 Yanvar 2025 07:53
Baxış: 924
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Rusiyanın "Lukoil" neft şirkətinin qurucusu Vahid Ələkbərovun oğlu Yusif Ələkbərov "Spartak" futbol klubunun Direktorlar Şurasını tərk etmək qərarına gəlib.

Milli.Az qafqazinfo-ya istinadən xəbər verir ki, bu barədə "RBC Sport" məlumat yayıb.

Bildirilir ki, bu qərar ABŞ Maliyyə Nazirliyi tərəfindən ona qarşı tətbiq edilən sanksiyalardan sonra klubu risk altına qoymamaq istəyi ilə bağlıdır.

Xatırladaq ki, ABŞ yanvarın 10-da Y.Ələkbərova qarşı yeni sanksiyalar tətbiq edib.

Neft şirkəti klubun sahibi və baş sponsorudur.

Y.Ələkbərov 2021-ci ildə klubun Direktorlar Şurasına daxil olub. Onun klubdakı fəaliyyəti haqqında açıq mənbələrdə az məlumat var. ABŞ Maliyyə Nazirliyinin məlumatında o, "WellTech" neft xidməti şirkətinin (o da sanksiyalara məruz qalıb) qurucusu və sahibi kimi göstərilib.

Y.Ələkbərov 10-dan çox şirkətin həmsahibidir və 2021-ci ildə "Lukoil"un səhmlərinin 0.2%-nə malik olub.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.