Rusiya

Moskvaya 145 ilin ən güclü qarı yağıb, temperatur - 22 olacaq - FOTO

4 Dekabr 2023 07:19

Baxış: 1 862

#RUSİYA

Rusiya paytaxtında dekabrın 3-də düşən yağıntının miqdarına görə gündəlik rekord müəyyən edilib.

Milli.Az APA-ya istinadən bildirir ki, VDNX-dakı meteorologiya stansiyası saat 18-ə qədər 10 mm yağıntı düşdüyü barədə məlumat yayıb.

Bildirilib ki, bu son 145 ilin rekord göstəricisidir.

Bundan öncəki rekord 1980-ci ilin bu günündə qeydə alınıb.

Həmin vaxt 9,4 mm yağıntı düşüb.

Ən çox yağıntının Moskvanın mərkəzinə düşdüyü məlum olub. Qarın sabaha qədər davam edəcəyi bildirilib.

Moskvanın Nəqliyyat Departamenti sürücülərə şəxsi avtomobillərdən imtina etmək və ictimai nəqliyyata üstünlük verməyi xahişi edib.

Moskva vilayətində narıncı hava təhlükəsi səviyyəsi elan olunub.

Yağan güclü qar çoxlu qəzalara səbəb olub.

Belə ki, Moskva vilayətində, Novorijskoye şossesində 20 avtomobil qəzaya uğrayıb.

Qarşıda isə moskvalıları Sibir şaxtası gözləyir.

Sinoptiklərin məlumatına görə, ən soyuq gün cümə günü, dekabrın 8-i olacaq.

Havanın temperaturu mənfi 22 dərəcə olacaq.

Milli.Az

Məqaləyə dair fotomateriallar:

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ