Rusiya

Qarabağdakı rus sülhməramlıları üçün təhdid yoxdur - Peskov

19 Sentyabr 2023 18:08

Baxış: 1 886

VTB-də minimal faiz dərəcəsi ilə nağd kredit 9.9%-dən

#RUSİYA

Rus sülhməramlıları Qarabağda öz funksiyalarını yerinə yetirirlər, onlar üçün təhdid yoxdur.

Milli.Az Trend-ə istinadən bildirir ki, bunu Rusiyia prezidentinin mətbuat katibi Dmitri Peskov jurnalsitlərə deyib.

"Sülhməramlılar öz funksiyalarını yerinə yetirir, lakin vəziyyət mürəkkəb olaraq qalır. Hələ ki, sülhməramlılarımızın həyatı üçün təhdid olduğuna dair məlumata malik deyilik", - Peskov deyib.

Xatırladaq ki, sentyabrın 19-da Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılıb.

Üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılıb.

Tədbirlər çərçivəsində Ermənistan silahlı qüvvələrinin birləşmələrinin ön xətt və dərinlikdə olan mövqeləri və uzunmüddətli atəş nöqtələri, eləcə də döyüş vasitələri və hərbi təyinatlı obyektləri yüksək dəqiqlikli silahların tətbiqi ilə sıradan çıxarılır. Mülki əhali və infrastruktur obyektləri hədəfə alınmır, yalnız legitim hərbi hədəflər sıradan çıxarılır.

Milli.Az