Din

"Məhərrəm ayında toy etmək olar, çünki..."

2 İyul 2024 13:27
Baxış: 18 689
VTB-də minimal faiz dərəcəsi ilə nağd kredit 9.9%-dən
#DİN #İSLAM #MƏHƏRRƏM AYI

İyulun 7-də ölkəmizdə Məhərrəm ayı başlayır. Bu ayda insanları maraqlandıran bir sıra suallar olur. Bu suallardan biri də toylarla bağlıdır. 

Bəs Məhərrəm ayında niyə çoxları toy etmir?

Mövzu ilə bağlı sfera.az-a danışan din xadimi Ağa Hacıbəyli deyir ki, bu ay da digər aylar kimi sıravi aydır:

"Məhərrəm ayında olan tarixi hadisələr bu aya olan baxışı dəyişib. Bu hadisələr insanlarda mənəvi məsuliyyət yaradıb. Bu baxımdan insanlar həzrəti peyğəmbərə və onun əhli beytinə hörmət əlməti olaraq toy etməkdə israrlı deyillər. Bununla bağlı qayda isə Quranda və hədislərdə yoxdur.

İslam dinində və şəriət nöqteyi-nəzərindən toy mərasimlərinin keçirilməsi qadağan olunmayıb. Bununla bağlı heç bir fitva, yaxud ruhanilərin rəsmi qərarı yoxdur. Baxdığım bütün səhih mənbələr konkret qeyd edir: "Şəriət nöqteyi-nəzərindən məhərrəm ayında toy etmək, kəbin kəsdirmək qadağan deyil".

Din xadimi qeyd edib ki, eləcə də Məhərrəm ayında dövlət qanunları insanlara seçim azadlığı verir:

"Əlbəttə, bu ayda toy edənlər də olur, ad günləri keçirənlər də. Yəni bu, insanın öz seçimidir və hər hansı dəyərlərə verdiyi qiymətidir. Ona görə də hesab edirəm ki, insan Məhərrəm ayında toy edib-etməməsini öz təfəkkürü ilə seçməlidir və dövlət də bu təfəkkürə qanunlar çərçivəsində azadlıq verir".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.