Siyasət

Mədət Quliyev “Dubai Airshow-2021” sərgisində iştirak edib - FOTO

14 Noyabr 2021 18:11
Baxış: 1 247

Noyabrın 14-18-də Birləşmiş Ərəb Əmirliklərinin Dubay şəhərində "Dubai Airshow 2021" 17-ci aviasiya sərgisi keçirilir.

Azərbaycanın Müdafiə Sənayesi Nazirliyindən Milli.Az-a verilən məlumata görə, iki ildən bir təşkil olunan sərgidə dünyanın 100-dən çox ölkəsindən naviqasiya aparatları, müşahidə və kommunikasiya sistemləri, süni intellekt avadanlığı, pilotsuz uçuş aparatları (PUA) və təyyarələr, kosmik peyk və s. istehsalçısı olan 1000-ə yaxın şirkət iştirak edir.

Dubayın vəliəhd şahzadəsi və İcra Şurasının sədri Şeyx Həmdan bin Məhəmməd bin Rəşid Əl Maktumun iştirakı ilə keçirilən açılış mərasimində Azərbaycan Respublikasının müdafiə sənayesi naziri Mədət Quliyev də iştirak edib.

Tədbir çərçivəsində Mədət Quliyevin "International Golden Group" şirkətinin icraçı direktoru Fadel Saif Əl Kaabi ilə görüşü olub. Görüşdə hərbi-texniki sahədə mövcud əməkdaşlığın gələcəkdə daha da genişləndirilməsi istiqamətində ətraflı fikir mübadiləsi aparılıb.

Milli.Az

Məqaləyə dair fotomateriallar:

 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.