Siyasət

Hüseynbala Mirələmov YAP-dan çıxarılır - AÇIQLAMA

22 Aprel 2021 22:44
Baxış: 3 338
#SİYASƏT

"Yeni Azərbaycan Partiyasının hər hansı üzvü partiyanın imicinə və əsasnaməsinə uyğunsuz hərəkət edirsə, bundan kənara çıxırsa, onunla bağlı tədbir görülməlidir".

Milli.Az modern.az-a istinadən bildirir ki, bunu Yeni Azərbaycan Partiyasının Veteranlar Şurasının üzvü, deputat Tahir Rzayev deyib.

O, Şuranın üzvü, sabiq deputat Hüseynbala Mirələmovun yayılan qeyri-etik videosuna görə partiyadan çıxarıla biləcəyini istisna etməyib:

"Bu məsələ təsdiqini taparsa, nə isə demək olar. Hesab edirəm ki, partiyamızın hər bir üzvü öz hərəkətlərinə, danışığına sədd qoymalıdır. Hər şey ölçüb-biçilməlidir. Mən də partiyanın nüfuzuna, nizamnaməsinə uyğun olmayan hərəkət edən hər bir üzvün çıxarılmasının tərəfdarıyam".

Tahir Rzayev Hüseynbala Mirələmovla bağlı məsələnin Veteranlar Şurasında müzakirə edilə biləcəyini də söyləyib:

"Partiyanın Mərkəzi Aparatı, Veteranlar Şurasının sədri və digər rəhbərlərin fikrindən sonra bu məsələ kollegial qaydada müzakirə oluna bilər. Yaxud İdarə Heyətində və rayon təşkilatında müzakirə də aparıla bilər. Hüseynbala Mirələmov həm də Xətai rayon təşkilatının sədridir. Qaydaya görə, onun partiya üzvlüyündən çıxarılması təşkilat tərəfindən irəli sürülə bilər".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.