Siyasət

Ermənilər minaları daha çox bu ərazidə basdırıblar - VİDEO

14 Mart 2021 16:36
Baxış: 961

Ermənilər minalanmış ərazilərin xəritəsini versə, azad edilən torpaqların minalardan təmizlənməsi iki dəfə daha tez bir vaxtda bitər.

Milli.Az xəbər verir ki, bunu ARB24-ün "Nə baş verir?" verilişinə müsahibəsində hərbi ekspert Elxan Şıxalıyev deyib.

O bildirib ki, Ağdam azad edilən torpaqlar arasında minalardan ən erkən təmizlənən rayon olacaq:
"Ərazilərin minalardan nə zaman təmizlənməsi ilə bağlı konkret vaxt demək çətindir. Hesab edirəm ki, xəritə olmadığı üçün proses iki-üç qat artıq vaxt tələb edəcək. 

Bundan başqa ən erkən təmizlənən rayonun isə Ağdam olduğunu düşünürəm. Çünki bu proses əvvəlcə təmas xəttindən başlayaraq, dərinliyə doğru aparılacaq".
E. Şıxalıyev onu da qeyd edib ki, azad edilən torpaqlarda ən çox minalanmış ərazi təmas xəttidir:
"Minalar daha çox 27 sentyabra qədər olan neytral ərazilərdə basdırılıb".

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.