Siyasət

Ermənistan müdafiə nazirindən Dilqəm və Şahbazın dəyişdirilməsinə münasibət - Mümkündür

20 Sentyabr 2019 15:35
4 Şərh     Baxış: 2 050

Mən dünən Beynəlxalq Qızıl Xaç Komitəsinin Ermənistan nümayəndəliyində görüş keçirmişəm. Mənə Azərbaycanın əsirlərin dəyişdirilməsi barədə rəsmi təklifi təqdim olunub.

Ermənistanın Müdafiə naziri David Tonoyan erməni hərbçilərlə Dilqəm Əsgərov və Şahbaz Quliyevin dəyişdirilməsinin mümkünlüyünü istisna etməyib.

Milli.Az "Sputnik Azərbaycan"a istinadən xəbər verir ki, Tonoyan bu barədə livanlı həmkarı Elias Abu Saabla birgə keçirdiyi mətbuat konfransında bildirib.

"Mən dünən Beynəlxalq Qızıl Xaç Komitəsinin Ermənistan nümayəndəliyində görüş keçirmişəm. Mənə Azərbaycanın əsirlərin dəyişdirilməsi barədə rəsmi təklifi təqdim olunub", - deyə erməni nazir vurğulayıb.

Tonoyan məsələnin detallarını açıqlamaqdan imtina edib.

Ermənistan müdafiə naziri dəyişdirilmənin mümkünlüyünü istisna etməyib, lakin vurğulayıb ki, bu məsələ ilə bağlı qərarı qondarma "Dağlıq Qarabağ Respublikası" qəbul etməlidir.

Xatırladaq ki, Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyası tərəflərdə saxlanılan əsir-girovların "hamının-hamıya" prinsipi əsasında azad olunması və gələcəkdə əsir-girov götürülən şəxslərin, eyni zamanda meyitlərin 3 gündən gec olmayaraq qaytarılmasını aidiyyəti beynəlxalq təşkilatların vasitəçiliyi ilə 2016-cı ilin aprel ayında Ermənistan Respublikasına təklif edib.

"Lakin kütləvi informasiya vasitələrində son günlər yayılmış məlumatlarda bildirilir ki, Ermənistan tərəfi işğal altındakı Kəlbəcər rayonunda 2014-cü ildə girov götürülərək qeyri-qanuni azadlıqdan məhrumetmə cəzasına məhkum edilmiş Dilqəm Əsgərov və Şahbaz Quliyevin Ermənistan Respublikasının vətəndaşları olan erməni hərbçiləri - Azərbaycan Respublikası ərazisində terror-təxribat əməllərinə görə həbs edilmiş Karen Kazaryan və cəbhənin Füzuli istiqamətində könüllü surətdə Azərbaycan Ordusuna təslim olmuş Araik Kazaryanla qarşılıqlı mübadilələrinə Azərbaycan tərəfinin hazır olmadığı barədə açıqlamalar verib.

Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyası bir daha bildirir ki, ATƏT-in Minsk Qrupunun həmsədrlərinin vasitəçiliyi ilə Azərbaycan və Ermənistan rəhbərlərinin, eləcə də xarici işlər nazirlərinin görüşlərində, habelə Dövlət Komissiyasının aidiyyəti beynəlxalq təşkilatlarla 2017-ci və 2018-ci illərdə apardığı müzakirələr zamanı əsir-girovların "hamının-hamıya" formatında azad olunması ilə bağlı Azərbaycan Respublikasının prinsipial mövqeyi dəfələrlə qarşı tərəfə çatdırılıb. Dilqəm Əsgərov və Şahbaz Quliyevin Karen Kazaryan və Araik Kazaryan ilə mübadilə edilməsinə Azərbaycan tərəfinin hazır olması barədə Dövlət Komissiyası növbəti dəfə aidiyyəti beynəlxalq təşkilatlara 11 sentyabr 2019-cu il tarixdə rəsmi məlumat verib.

Dövlət Komissiyası ölkəmizin beynəlxalq humanitar hüququn norma və prinsiplərinə daim əməl etdiyini yenidən diqqətə çatdırır, 7 sentyabr 2019-cu il tarixdə Rusiya Federasiyası və Ukrayna arasında əsirlərin "hamının-hamıya" mübadiləsini yüksək insanpərvərlik aktı kimi təqdir edir və bu humanizm nümunəsinə uyğun olaraq Azərbaycan və Ermənistan arasında əsir-girovların eyni prinsip əsasında qısa müddətdə azad edilməsinə tərəfdar olduğunu bir daha bəyan edir", - deyə Komissiyanın məlumatında bildirilib.

Qeyd edək ki, 2014-cü ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüblər, Azərbaycan vətəndaşı Həsən Həsənov isə güllələnərək öldürülüb. H.Həsənovun meyiti düşməndən alınaraq Bakıda dəfn edilib. İşğal altındakı Dağlıq Qarabağda D.Əsgərov və Ş.Quliyev üzərində qanunsuz "məhkəmə" qurulub. "Məhkəmə"nin qərarı ilə D.Əsgərov ömürlük, Ş.Quliyev 22 il müddətinə azadlıqdan məhrum edilib.

Milli.Az

Şərh yaz:

4 Şərh:

  • Anonim
    Roya · 20 Sentyabr 15:39130

    İnşallah sağ-salamat düşmen zindanından azad olarlar.

    Cavab yaz
  • Anonim
    _ · 20 Sentyabr 16:5360

    Dünya birliyin işğalçı ermənistana olan dəstəyi erməniləri daha da qudurdur. Bunlar hələ minnət qoyurlar, özlərini "sındırırlar" - baxarıq-baxmarıq, mümkündür-mümkünsüzdür, halbuki nəyinki Dilqəm və Şahbazı, BÜTÜN azərbaycanlı əsir və girovları (doğma torpaqlarında məs işğal nəticəsində cinayətkar işğalçı ermənistan ordusu tərəfindən girov götürülən) DƏRHAL, şərtsiz azad etməli idilər!! ... və Dünya Birliyi bunun üçün onlara təzyiq etməli idi!! paşinyan işğalçı, terrorçu quldur və cinayətkardır!!

    Cavab yaz
  • Anonim
    Aygun · 20 Sentyabr 17:4850

    Oz torpaqimizdan esir goturubler hele minnetde edilir

    Cavab yaz
  • Anonim
    Aygun · 20 Sentyabr 17:4840

    Oz torpaqimizdan esir goturulur minnet de edilir

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.