Siyasət

Bəzi təhsil müəssisələrinin akkreditasiyası üçün rüsumlar təsdiq edildi

27 İyun 2019 13:47

Baxış: 779

#SİYASƏT

Azərbaycanda bəzi təhsil müəssisələrinin akkreditasiyasının keçirilməsi üçün dövlət rüsumunun məbləği yekun olaraq müəyyən edilib.

Milli.Az Trend-ə istinadən bildirir ki, bununla bağlı məsələ Milli Məclisin bu gün keçirilən növbədənkənar plenar iclasında müzakirə edilən "Dövlət rüsumu" haqqında qanuna dəyişikliklərdə əksini tapıb.

Təklif olunan layihəyə əsasən, məktəbəqədər təhsil müəssisələrinin akkeditasiyası üçün dövlət rüsumunun məbləği 2000, məktəbdənkənar təhsil müəssisələri üçün 5000, orta ixtisas müəssisələri, əlavə təhsil müəssisələri və təhsil fəaliyyətini həyata keçirən digər müəssisələr üçün 12 000 manat məbləğində müəyyən edilib.

Dəyişikliklər üçüncü oxunuşda səsverməyə qoyularaq qəbul edilib.

Milli.Az