Siyasət

Aİ səfiri Azərbaycanla aviasiya sazişi barədə

8 May 2019 10:49
Baxış: 488

Azərbaycanla Avropa İttifaqı (Aİ) arasında nəqliyyat sahəsində əməkdaşlığın genişləndirilməsi üçün tez bir zamanda aviasiya sazişi imzalanmalıdır.

Milli.Az xəbər verir ki, bunu özəl olaraq Trend-ə Aİ-nin Azərbaycandakı səfiri Kestutis Yankauskas deyib.

O bildirib ki, həmin saziş həm Aİ, həm də Azərbaycan üçün eyni dərəcədə sərfəlidir:

"Aviasiya sazişi Azərbaycanın növbəti böyük layihəsi olan regional nəqliyyat qovşağı layihəsinin reallaşdırılması çərçivəsində ayrılmaz hissədir".

Səfir əlavə edib ki, bu ildən Azərbaycanla nəqliyyatla bağlı yüksək səviyyəli danışıqlar başlayıb.

K.Yankauskasın sözlərinə görə, hazırda Aİ ilə Azərbaycan arasında strateji tərəfdaşlıq barədə yeni saziş üzrə danışıqlar davam etdirilir:

"Ticarət məsələləri ilə bağlı danışıqların son mərhələsindən sonra bir neçə videokonfransımız olub. İş davam edir. Sazişin tez bir zamanda imzalanması üçün mümkün olan işlər yerinə yetirilməlidir".

Milli.Az

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.