Siyasət

Merkel: "İlk Avropa Oyunları Azərbaycana gələcəkdə də böyük faydalar gətirəcək"

4 May 2015 11:20

Baxış: 985

#SİYASƏT #BAKU-2015

"İlk Avropa Oyunları Azərbaycana yalnız keçirildiyi müddətdə deyil, sonrakı dövrlərdə də böyük faydalar gətirəcək"

Bunu Trend-ə ABŞ dövlət katibinin Avropa və Asiya məsələləri üzrə köməkçisinin sabiq müavini, "Summit İnternational Advisors" təşkilatının icraçı direktoru Deyvid Merkel deyib.

D.Merkel bildirib ki, Bakı İlk Avropa Oyunlarının keçirilməsi üçün çox əlverişli şəhərdir: "Bakı ümumiyyətlə gözəl şəhərdir, buraya bir dəfə gələn mütləq yenidən gəlmək istəyir. İlk Avropa Oyunlarında da Bakıya müxtəlif ölkələrdən çoxlu sayda idmançılar, onların azarkeşləri gələcək, o cümlədən dünyada çoxlu sayda insanlar bu Oyunlara tamaşa edəcəklər".

D.Merkel vurğulayıb ki, bu insanlar Azərbaycanın gözəlliklərini görəcəklər və öz ailələri ilə bu ölkəyə təkrar gəlmək istəyəcəklər: "Bu isə yalnız indiki zamanda deyil, gələcək zamanda da Azərbaycan iqtisadiyyatının, xüsusən də turizm sektorunun inkişafına böyük imkan yaradacaq".

D.Merkel İlk Avropa Oyunlarının eyni zamanda dünyada idmanın inkişafına böyül töhfə verəcəyini söyləyib.

Milli.Az