Siyasət

Meksikanın İrandakı səfirliyi fəaliyyətini Bakıda davam etdirəcək

9 Mart 2026 20:03

Baxış: 935

#MEKSİKA

Meksikanın İran İslam Respublikasındakı səfirliyi öz fəaliyyətini Bakıda davam etdirəcək.

Milli.Az-ın verdiyi xəbərə görə, İrandan Azərbaycan sərhədi ilə təxliyə edilən Meksikanın İrandakı səfiri Guillermo Puente Ordorica bildirib ki, səfirlik bundan sonra fəaliyyətini Bakıda davam etdirəcək.

Səfir qeyd edib ki, indi Azərbaycana gəlib: "Hökumətim mənə göstəriş verib ki, Azərbaycan hökumətinin və Azərbaycanın Meksikadakı səfirliyinin dəstəyi ilə səfirliyimizi burada yerləşdirək. Buna görə mən və komandam buradayıq.

Göründüyü kimi, İranda vəziyyət mürəkkəbdir. Azərbaycan dost ölkədir. Meksika ilə Azərbaycan arasında çox yaxşı ikitərəfli münasibətlər mövcuddur. Mən tez-tez Azərbaycana gəlirəm. İran səfiri vəzifəsində olduğum illərdə də buraya bir neçə dəfə gəlmişəm. Lakin bu dəfə, dediyim kimi, komandamla birlikdə Bakıda işləməyə, İrandakı Meksika icmasına dəstək verməyə gəlmişəm. Ümid edirik ki, hazırda müşahidə etdiyimiz bu vəziyyət tezliklə sülh yolu ilə həllini tapacaq".

Milli.Az