Siyasət

"İsrail Qəzzanı ABŞ-nin idarəçiliyinə verməyə hazırlaşır" - AÇIQLAMA

7 Fevral 2025 14:30

Baxış: 386

#SİYASƏT #İSRAİL #ABŞ #BMT

"İsrail Qəzzanı ABŞ-a təhvil vermək və onu əbədi olaraq əlinə keçirmək istəyir. Bu iddia ABŞ Prezidenti Donald Trampın sözlərinə əsaslanır. Tramp hərbi əməliyyatlar sona çatdıqdan sonra İsrailin Qəzzanı Amerika idarəçiliyinə verəcəyini açıqlayıb. Bu qərar beynəlxalq hüquq və tarixi müqavilələr baxımından ciddi müzakirələrə səbəb olub".

Milli.Az xəbər verir ki, bu barədə politoloq Aydın Quliyev şərh edib.

O bildirib ki, Qəzza nə İsrailin, nə də ABŞ-ın torpağıdır.

"Qəzza, 1947-ci il BMT qətnaməsinə görə, Fələstin dövlətinə verilmiş ərazinin bir hissəsidir. Qəzza, uzunluğu 41 kilometr, eni isə 20 kilometr olan bir ərazidir. 1948-ci ildəki İsrail-Ərəb müharibəsində Misir tərəfindən ələ keçirilmiş, 1967-ci ildə isə İsrail tərəfindən işğal olunmuşdur. 2005-ci ilə qədər İsrailin nəzarətində olan Qəzza 2006-cı ildə HƏMAS-ın parlament seçkilərini udmasından sonra Fələstin tərəfi tərəfindən idarə edilməyə başlanıb.

İsrailin Qəzzanı ABŞ-a təhvil vermə planları 1967-2005-ci illər arasında İsrailin Qəzzanı işğal etdiyi dönəmdən sonra bölgənin gələcəyinə dair yeni bir mərhələnin başlanğıcını işarə edir. Qəzzanın ABŞ-a veriləcəyi təqdirdə onu geri almaq üçün dünya güclərinin müdaxiləsi mümkün olarmı? İsrailin bu addımı Qəzzanın gələcəyinə dair daha geniş suallar doğurur".

Aysel Əkbər
Milli.Az