Siyasət

Paşinyan xəbərdarlıq etdi: Rusiya “sehri” bitir, azalacaq…

29 Sentyabr 2024 11:51
Baxış: 1 284
#ERMƏNİSTAN

Ermənistan hökuməti xəbərdarlıq edir ki, 2025-ci ildə Rusiya-Ukrayna müharibəsi və Ermənistana reeksportun artması səbəbindən ölkəyə yönəlmiş maliyyə axını artıq olmayacaq.

Milli.Az axar.az-a istinadən bildirir ki, bu barədə erməni mediası yazıb.

Bildirilib ki, Paşinyan hökuməti belə bir proqnozla 2025-ci ilin büdcə layihəsində çıxış edib və o, artıq Milli Assambleyaya daimi komissiyalarda müzakirəyə göndərilib.

Hökumətin proqnozuna görə, 2025-ci ildə iqtisadi aktivliyin artım tempinin aşağı düşməsi və təkrar ixracın rolunun azalması səbəbindən ixrac və idxalın artım templərinin əhəmiyyətli dərəcədə azalması gözlənilir.

Nəticədə xidmətlər üzrə müsbət saldonun pisləşməsi və pul köçürmələrinin rolunun azalması səbəbindən 2024-cü ildə büdcə kəsiri daha da dərinləşərək, ÜDM-in 5%-nə çatacaq.

Bundan əlavə, Ermənistan hökumətinin fikrincə, davam edən Rusiya-Ukrayna münaqişəsi və Rusiyaya qarşı tətbiq edilən görünməmiş sanksiyalar dünyada yeni reallıq yaradıb ki, bu şəraitdə Ermənistanın iqtisadi artım proqnozları böyük qeyri-müəyyənlik yaradır.

Qeyd edək ki, son 3 ildə Ermənistan iqtisadiyyatında misli görülməmiş artımların səbəbi Rusiyaya tətbiq edilən sanksiyaların yarılması olub.

Milli.Az
Xəbərlərimizi WhatsApp kanalımızdan da oxuyun

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.