Siyasət

Milli Qəhrəman Riyad Əhmədovun məzarının yeri müəyyənləşdi - FOTO

18 Sentyabr 2023 11:34
Baxış: 2 475

İtkin düşmüş sayılan Milli Qəhrəman Riyad Əhmədovun məzarının yeri müəyyənləşib.

Milli.Az Trend-ə istinadən xəbər verir ki, bunu "İtkin düşmüş şəxslərin taleyinə aydınlıq gətirmək üçün milli və qlobal səylərin artırılması" üzrə beynəlxalq konfransda çıxışında Dövlət Təhlükəsizliyi Xidmətinin rəisi, Əsir və itkin düşmüş, girov götürülmüş vətəndaşlarla əlaqədar Dövlət Komissiyasının sədri, general-polkovnik Əli Nağıyev bu gün keçirilən beynəlxalq konfransda bildirib.

DTX rəisi onu da qeyd edib ki, bu konfrans ərəfəsində 9 nəfəri hərbçi, 1 nəfəri mülki şəxs olmaqla daha 10 vətəndaşımızın meyit qalıqlarının eyniləşdirilməsinə nail olunub.

Qeyd edək ki, uzun müddət peşəkar zabit kimi təhlükəsizlik orqanlarında çalışan, 1989-cu ildə erməni silahlı birləşmələri Azərbaycana qarşı elan olunan müharibəyə başladığı vaxtdan etibarən Riad Əhmədov bütün bacarığını Milli Ordunun yaradılmasına sərf edib, Azərbaycan Respublikası Müdafiə Nazirliyi Kəşfiyyat İdarəsinin rəis müavini vəzifəsinə təyin olunub. Riad Əhmədov 1992-ci il yanvarın 26-sında rəhbərlik etdiyi kəşfiyyat qrupu ilə Daşaltı kəndindəki döyüşdə yaralanaraq itkin düşmüşdü.

Milli.Az

 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.