Bu olmasa yaxın aylarda sülh müqaviləsi gözlənilməyəcək - ŞƏRH

Bu gün Moskavada Azərbaycan və Ermənistan xarici işlər nazirləri arasında keçirləcək görüş olduqca vacibdir. Xüsusilə o kontekstdə ki,bundan öncə ABŞ-də və Belçikada xarici işlər nazirləri arasında görüş keçirilib. Həmin görüşlərdə Azərbaycan və Ermənistan arasındakı sülh gündəliyi müzakirə edilib.

Bu barədə Trend-in sualalrını cavablayarkən Prezident yanında Dövlət İdarəçilik Akademiyasında müşavir, Bakı Politoloqlar Klubunun sədri Zaur Məmmədov deyib.

"Əlbəttə bilirik ki, Cənubi Qafqazda geosiyası rəqabət gedir. Bu kontekstdə bizim üçün fərqi yoxdur hansı şəhərdə, hansı ölkədə iki tərəf arasında sülh əldə ediləcək. Əsas odur ki, bu sülh effektiv olsun və bu sülh danışıqları müqavilə ilə sonlansın. Azərbaycanın əsas istəyi bölgənin sabit bir regiona çevirməkdən ibarətdir. Hazırda görünən odur ki, Azərbaycan, Ermənistan, Rusiya xarici işlər nazirləri ölkələrin baxış bucağını bu məsələdə ortaya qoyacaqlar. Bilirik ki, son zamanlar Rusiyadan Laçın yolu ilə bağlı bəyanatlar səslədirilirdi. Hansı ki, Azərbaycan tərəfi də cavab olaraq bildirdi ki, heç bir blokadadan söz gedə bilməz", - deyə Z.Məmmədov bildirib.

Politoloq həmçinin əlavə edib ki, Qarabağın dağlıq hissəsində son zamanlar seperatçıların açıq aşkar bəyanatları olur və onlar bildirir ki, Nikol Paşinyanın imzalayacağı sənədi tanımıyacaqlar.

"Biz unutmayaq ki, üçtərəfli bəyanatda imzası var, hansı ki o bəyanatda açıq şəkildə deyilir ki, erməni hərbi birləşmələri bölgəni tərk etməlidirlər. Amma rus sülhməramlıları 2020-ci ilin noyabarında Qarabağda olmasına baxmayaraq, bu zamana qədər erməni hərbi birləşmələri o ərazidən çıxarılamyıb. Bu Rusiya sülhməramlılaırn üzərinə düşən öhdəlikdir. Bu da Azərbaycan Rusiya arasında müzakirə predmeti olacaqdır. Bugün Moskavada ciddi razılıq əldə edilməzsə, Azərbaycan və Rusiya arasında fikir ayrılıqları olarsa, bu o deməkdir ki, yaxın aylarda sülh müqaviləsinin imzalanması üçün əlverişli mühiti görməyəcəyik", - deyə o vurğulayıb.

Milli.Az