Siyasət

"Ermənistan təcavüzkardır. Dünya onlara qarşı 30 il ərzində heç bir şey etmədi"

31 Mart 2023 09:26
Baxış: 1 061

Ermənistan təxribat xarakterli düşüncə və davranışlarından imtina etməlidir. Bu davranışlar səhv və qəbuledilməzdir.

Bu barədə Trend-ə özəl açıqlamasında ISESCO-nun sabiq baş direktoru, Nizami Gəncəvi Beynəlxalq Mərkəzinin üzvü Əbdüləziz bin Osman əl-Tüveycri deyib.

Onun sözlərinə görə, Ermənistan təcavüzkardır. Onlar özlərinə aid olmayan torpaqları 30 il işğal altında saxlayıb. İşğal dövründə də o ərazilərdə müxtəlif dağıntılar törədiblər. Bütün bunlara qarşı dünya heç bir şey etmədi. Azərbaycan torpaqlarını işğaldan azad etdi.

"Beynəlxalq təşkilatlar Azərbaycanın işğaldan azad edilmiş ərazilərinin bərpasına töhfə verməlidir. O ərazilərdə yalnız binalar, evlər yox, mədəni irsin nümunələri də dağdılıb. Onlar bəşəriyyət üçün mühim əhəmiyyətə malikdir. İşğal zaman həmçinin insanlar öldürüldü, torpaqlarından didərgin salındı. Dünya və beynəlxalq təşkilatlar insanların öz yurdların, torpaqlarına geri dönməsinə dəstək olmalıdır", - deyə o əlavə edib.

ISESCO-nun sabiq baş direktoru bildirib ki, Azərbaycan çox güclü dövlətdir və özünü də çox güclü bir şəkildə müdafiə edir. Ermənistanda təxribat xarakterli düşüncə və davranışlarından imtina etməlidir.

"Bu davranışlar səhv və qəbuledilməzdir. Azərbaycan regionda önəmli rola malikdir. Həmçinin fərqli mədəniyyətləri özündə cəmləşdirirək, onlar arasında əlaqə yaradaraq dünya üçün multikulturalizm nümunəsidir. İndi borcumuzu qaytarmağın və bu ölkənin azad edilmiş ərazilərinin bərpasına kömək etməyin vaxtı çatıb", - deyə o əlavə edib.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.