Siyasət

Yaxın vaxtlarda Azərbaycan, Rusiya və Ermənistan XİN başçılarının üçtərəfli görüşü keçirilə bilər

22 Mart 2023 19:22

Baxış: 1 098

#SİYASƏT

Ermənistan xarici işlər naziri Ararat Mirzoyan yaxın vaxtlarda Rusiya xarici işlər naziri Sergey Lavrov və Azərbaycan xarici işlər naziri Ceyhun Bayramovla üçtərəfli görüşün keçirilməsinin mümkün olduğunu bildirib.

Milli.Az APA-ya istinadən xəbər verir ki, o, görüşün təşkili məsələsinin martın 20-də Moskvada Sergey Lavrovla danışıqlarında müzakirə olunduğunu deyib.

Nazir xatırladıb ki, dekabrın 23-də Ermənistan tərəfi Azərbaycanın Laçın dəhlizini qanunsuz blokadaya alması səbəbindən üçtərəfli görüşdə iştirakını təxirə salıb.

Ermənistan XİN başçısı İrəvanla Bakı arasında danışıqların onlayn rejimdə aparıldığını, tərəflərin sülh müqaviləsi layihəsi ilə bağlı təkliflər mübadiləsi apardığını vurğulayıb.

Milli.Az