Siyasət

Ukraynaya 100-ə yaxın “Leopard 1” göndəriləcək

7 Fevral 2023 22:54
Baxış: 1 330
#RUSİYA-UKRAYNA MÜHARİBƏSİ

Niderland Almaniya və Danimarka ilə əməkdaşlıq çərçivəsində 100-ə yaxın "Leopard 1" tankı alaraq Ukraynaya tədarük etmək niyyətindədir.

Milli.Az "Report"a istinadən bildirir ki, bunu Niderlandın müdafiə naziri Kaysu Ollonqren bəyan edib.

Söhbət Almaniyanın müdafiə sənayesinin ehtiyatlarında olan tanklardan gedir. Qeyd olunub ki, ölkələr həmçinin tanklar üçün ehtiyat hissələri və döyüş sursatları tədarük etmək niyyətindədirlər.

Almaniyanın müdafiə naziri Boris Pistorius da bir sıra Avropa ölkələrindən Ukraynaya "Leopard 1A5" tanklarının göndəriləcəyini təsdiqləyib.

"2024-cü ilin birinci və ya ikinci rübünə qədər ən azı üç Ukrayna batalyonu belə tanklarla təchiz edilməlidir. Texnikanın çatdırılması mərhələli şəkildə həyata keçiriləcək. Yaya qədər Kiyevə 20-25 tank, ilin sonuna qədər isə 80-ə qədər tank göndərilməlidir. Məqsəd 2024-cü ilin birinci və ya ikinci rübünə qədər Ukraynaya 100-dən çox tank çatdırmaqdır".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.