Siyasət

Moldova ordusunun bütün poliqonlarında təlimlər keçiriləcək

24 Yanvar 2023 08:54
Baxış: 492

Moldovada Milli Ordunun bütün poliqonlarında 400-dən çox əsgərin iştirakı ilə taktiki təlimlər keçiriləcək.

Bu barədə Moldova Müdafiə Nazirliyi məlumat yayıb. Təlimlərin sabah başlayacağı və fevralın 4-dək davam edəcəyi bildirilib. Ölkədəki hərbi qarnizonların bütün poliqonları təlimlər üçün istifadə olunur.

"Təlimlərin keçirilməsində məqsəd həm çağırışçı, həm də müqavilə əsasında xidmət göstərən bütün hərbi qulluqçuların imkanlarının və praktiki bacarıqlarının qiymətləndirilməsidir", - deyə nazirlik qeyd edib.

Hərbçilər kimyəvi hücum şəraitində hərbi texnikadan istifadə, ilkin tibbi yardım və digər vərdişlərə yiyələnəcək.

Nazirlik təlimlərin Milli Ordunun 2023-cü il üçün hazırlıq planına uyğun olaraq keçirildiyini və bunun Ukraynadakı müharibə ilə bağlı olmadığını vurğulayıb.

Milli.Az

 

Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics