Siyasət

Ermənistan bu dünyadan deyil? - Qərb kar və kor oldu...

12 May 2022 16:17
Baxış: 1 260

"Çox təəssüflər olsun ki, beynəlxalq münasibətlər sistemində ikili standartlar hələ də davam edir".

Bunu Milli.Az-a açıqlamasında politoloq Şəbnəm Həsənova deyib.

O bildirib ki, Ermənistanda müxalifətinin itaətsizlik aksiyası zamanı baş verənlər göz önündə olduğu qədər, mitinq iştirakçılarına qarşı güc tətbiqi də aydın görünür:

"Ermənistanın 30 il ərzində davam edən işğal siyasətinə göz yuman dairələr bununla kifayətlənməyib, onun bütün illeqal əməlləri üçün cəzasızlıq mühiti formalaşdırdılar, işğalçı və dağıdıcını cəzalandırmaq əvəzinə qanunsuz əməllərinə geniş meydan yaratdılar.

Yaradılmış bu şərait də Ermənistanın əl-qolunu yığmaq əvəzinə, onun əl-qolunu açdı və buna hələ də davam edilir. İllərdir ki, beynəlxalq təşkilatların ümumi, dişsiz, ünvansız bəyanatlarından başqa əməli bir addımın, təzyiq vasitəsinin şahidi olmadıq.

Ermənistanda müxalifətinin itaətsizlik aksiyası zamanı baş verənlər göz önündə olduğu qədər, mitinq iştirakçılarına qarşı tətbiq edilən hərəkətlər də aydın görünür. Güc tətbiqi müxtəlif vasitələrlə ən qəddar formadadır. Bütün bunların fonunda sifarişlə çalışan beynəlxalq hüquq-müdafiə təşkilatlarının məsələyə lazımi reaksiya verməsinin şahidi olmadıq. Özlərini elə aparırlar ki, elə bil Ermənistanda heç bir hadisə baş vermir.

Azərbaycana gələndə isə ən xırda, məişət səviyyəsindəki məsələlər süni şəkildə şişirdilir. Bu qərəzlilik, ikili yanaşmadır. Səbəb isə Azərbaycanın qətiyyətli mövqeyini, uğurla həyata keçirdiyi işləri gözü götürməməkdir. Azərbaycanın qeyri-demokratik olduğu görüntüsünü yaratmaq istəyirlər.

Bütün bunlar Qərb, əsasən bu dövlətlərin maliyyə hesabına formalaşdırılan, ayaqda tutulan təşkilatlar tərəfindən həyata keçirilir. Necə həmin o dövlətlər hər hansı məsələyə öz maraqlarını təmin etmək üçün dərhal müdaxilə edirlərsə, bu cür məsələlərdə də obyektivlik prinsipi əsas tutularaq bir yanaşma ortaya qoyulmalıdır. 

Azərbaycan xalqı nəyin necə olduğunu aydın bilir və dərk edir. Prezident İlham Əliyevin siyasətinin əsas məqsədi Qarabağı yenidən bərpa etmək, insanları öz ev-eşiklərinə yerləşdirməkdir. Bu və bütün məsələlərdə xalqımız Ali Baş Komandanın ətrafında sıx birləşib". 

Təhməz Əsədov
Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics