Mobil telefon

"Nokia" 21 gün enerji saxlayan yeni telefonunu təqdim edib - VİDEO - FOTO

15 Noyabr 2018 08:48

0 Şərh Baxış: 4 139

VTB-də minimal faiz dərəcəsi ilə nağd kredit 9.9%-dən

#NOKİA CORP

Finlandiyanın "Nokia" brendi altında mobil qurğular istehsal edən "HMD Global" şirkəti yeni düyməli "Nokia 106" telefonunu təqdim edib.

Milli.Az "Report"a istinadən bildirir ki, bu barədə şirkət nümayəndəsi Yuho Sarvikas öz "Twitter" səhifəsində yazıb.

Bildirilir ki, "Nokia 106" istifadəçiləri bu qurğudan təqribən 16 saat danışıq, 21 gün isə gözləmə rejimində yararlana biləcəklər.

Qadcetin gövdəsi polikarbonatdan hazırlanıb. Qurğuda enerji yığmaq üçün micro-USB-portu da var.

İstehsalçıların sözlərinə görə, yeni məhsulun xüsusi dizaynı cızıqları daha az nəzərəçarpan edəcək.

"Nokia 106" kontur dizaynı sayəsində əldə ideal qalır. Klaviaturada düymələr arasında məsafənin diqqətlə hesablanması hətta qaranlıqda belə mətnin yığılmasını mümkün edir", - deyə məlumatda qeyd olunur.

Displeyin diaqonalı 1,8 düym (təqribən 4,5 santimetr) təşkil edəcək. Telefon iki SIM-kart və 4 meqabaytlıq operativ yaddaşlı MTK 6261D prosessoru ilə təchiz edilib. "Nokia 106" 2000-dək nömrə və 500-ə qədər sms-məlumat saxlamaq imkanındadır.

Bundan əvvəl "Nokia" yeni smartfonlarını təqdim etmişdi.

Milli.Az

Please welcome the all-new Nokia 106 to the family! Beautiful, reliable, yet extremely affordable, the Nokia 106 delivers connectivity for everyone. 1 day talk time, 1 month standby time #nokiamobile pic.twitter.com/wbmKDqasK6
- Juho Sarvikas (@sarvikas) 14 ноября 2018 г.