Mobil telefon

Sony-dən selfi həvəskarlarına

7 May 2015 21:40

1 Şərh Baxış: 2 315

VTB-də minimal faiz dərəcəsi ilə nağd kredit 9.9%-dən

#SONY CORP

Sony Mobile şirkəti orta səviyyəli yeni Xperia C4 smartfonunu nümayiş etdirib. Qurğu təkmilləşdirilmiş foto imkanlarına malikdir.

Sony Xperia C4 modeli 1920x1080 piksel təsvir ölçülü və Mobile BRAVIA Engine 2 texnologiyasına malik 5,5 düymlük IPS ekranı, 1.7 QHs takt tezlikli səkkiznüvəli MediaTek MT6752 prosessoru və 700 MHs takt tezlikli Mali 760 qrafik modulu ilə təchiz edilib.

Milli.Az ICTnews-a istinadən bildirir ki, əməli və daxili yaddaşın tutumu müvafiq olaraq 2 və 16 QB təşkil edir. Əlavə məzmunu microSD çıxarılıb taxılan daşıyıcılarında yadda saxlamaq olar. Telefon 4G LTE/3G HSPA+, Wi-Fi 802.11 b/g/n, Bluetooth 4.1, GPS və NFC simsiz texnologiyalarını dəstəkləyir.

Əsas kamera 13 meqapiksellik matrisə, işıq diodu işıqlandırıcısına və 1080p təsvir ölçüsündə video çəkilişi funksiyasına malikdir. Ön kamera 5 meqapiksel təsvir ölçüsünə malikdir.

Akkumulyator batareyasının tutumu 2650 milliamper/saat təşkil edir. Aparata Android 5.0 mobil əməliyyat sistemi quraşdırılıb.

Sony Xperia C4 qurğusunun satış qiyməti bildirilməyib. Məhsulun satışlarının başlanğıcı 2015-ci ilin iyununa nəzərdə tutulmuşdur.

Milli.Az