Mobil telefon

Sony 2 smartfonu göstərdi

21 Aprel 2015 23:45

0 Şərh Baxış: 2 137

VTB-də minimal faiz dərəcəsi ilə nağd kredit 9.9%-dən

#SONY CORP

Sony şirkəti Yaponiyada yeni qabaqcıl smartfonunu təqdim edib. Xperia Z4 smartfonu görünüşcə sələfindən az fərqlənir. Şüşə və metaldan hazırlanmış yeni qurğu bu yay Yaponiya bazarında satışa çıxarılacaq.

Xperia Z4 qurğusu 5,2 düymlük Full HD (1920x1080 piksel) təsvir ölçülü ekranla təchiz edilib. Smartfon sələfi Z3 kimi eyni hündürlük və enə malikdir, amma qalınlığı cüzi azalaraq 6,9 mm təşkil edir.

Aparatın çəkisi 144 qramdır. Qurğuya quraşdırılmış akkumulyator batareyasının tutumu 2930 milliamper/saat təşkil edir.

Milli.Az ICTnews-a istinadən bildirir ki, aparat səkkiznüvəli prosessorla təchiz edilib, dörd nüvə 2 QHs, digər dörd nüvə isə 1.5 QHs takt tezliyində işləyir. Smartfon, həmçinin 3 QB əməli və 32 QB daxili yaddaşla (128 QB-dək microSD yaddaş kartları dəstəklənir) təchiz edilib.

Xperia Z4 qurğusunun əsas kamerasının təsvir ölçüsü 20,7 meqapikseldir. Ön kamera 5 meqapiksel təsvir ölçüsünə malikdir və optik sabitləşmə sistemi ilə təchiz edilib. Əsas kamera 4K (2160p) formatında video çəkilişini dəstəkləyir. Aparata Android 5.0 mobil əməliyyat sistemi quraşdırılıb.

Qurğu dörd rəngdə (ağ, qara, mis və boz-mavi) əlçatan olacaq.

Milli.Az