Mobil telefon

Apple Watch-un rəqibi yaradıla bilər

29 Dekabr 2014 23:47
0 Şərh     Baxış: 1 745
VTB-də minimal faiz dərəcəsi ilə nağd kredit 9.9%-dən
#APPLE INC #MOBİL TELEFON #YAHOO INC
Yahoo! internet şirkəti gələn il daşınan və digər mobil qurğular bazarına çıxa bilməsini istisna etmir. Bu barədə Financial Times nəşri şirkətin mobil bölməsinin baş vitse-prezidenti Adam Kaqana istinadən məlumat verib.

Onun sözlərinə görə, Apple Watch ağıllı saatı kimi daşınan qurğular şirkətə növbəti ildə böyük imkanlar verəcək. Bundan başqa, şirkət adi məişət cihazlarının mobil qurğular vasitəsilə idarə olunması üçün internetə qoşulduğu Əşyaların interneti sahəsində məhsulların hazırlanması ilə məşğul olmağı planlaşdırır.

Milli.Az ICTnews-a istinadən bildirir ki, hazırda Yahoo! Apple Watch üçün 2015-ci ildə buraxılacaq Yahoo News Digest xəbərlər əlavəsinin versiyasının hazırlanmasında fəal iştirak edir.

Məlumat üçün bildirək ki, Yahoo Search axtarış sistemi və onunla əlaqədar məhsulları (Yahoo Directory, Yahoo Mail, Yahoo News, Yahoo Finance və s.) ilə tanınan Yahoo! ABŞ texnoloji şirkətidir. Şirkət həmçinin Çinin internet nəhəngi Alibaba onlayn satış mağazasının səhmlərinin 24 faizinə sahibdir. Kapitallaşma dəyəri 37,5 milyard dollar qiymətləndirilən Yahoo!-nun səhmləri Nyu-York Fond Birjasında hərraca çıxarılır.
 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.