Mobil telefon

99,99 dollarlıq planşet satılır - FOTO

28 Noyabr 2014 22:22

0 Şərh Baxış: 2 312

VTB-də minimal faiz dərəcəsi ilə nağd kredit 9.9%-dən

#MOBİL TELEFON #HEWLETT-PACKARD CO

HP şirkəti Windows ilə işləyən 99,99 dollarlıq planşetini buraxıb.

İkinci fərdi kompüter istehsalçısı Hewlett-Packard Microsofta verdiyi vədinə (istehlakçılara 100 dollaradək qiymətdə Windows ilə işləyən planşet təklifi) yerinə yetirib. Yeni qurğunun dəyəri 99,99 dollar təşkil edir.

Milli.Az ICTnews-a istinadən bildirir ki, HP Stream 7 planşeti 1280x800 piksel təsvir ölçülü 7 düymlük ekrana malikdir. Planşet 1.8 QHs takt tezlikli dördnüvəli Intel Atom Z3735G prosessoru və daxili Intel HD Graphics qrafik kontrolleri ilə təchiz edilib.

Əməli yaddaşın həcmi 1 QB, daxili yaddaş isə 32 QB tutumunda daşıyıcı ilə təchiz edilib. Planşet microSD yaddaş kartlarını dəstəkləyir.

Qurğu qulaqlıqların qoşulması üçün konnektora və Micro-USB portuna malikdir. Wi-Fi 802.11b/g/n-ni dəstəkləyir. Arxa və ön kameralar var.

Planşetin çəkisi 363 qramdır.

HP Stream 7 planşeti 3000 milliamper/saat həcmində akkumulyatorla təchiz edilib. Qurğunun avtonom iş vaxtı 8 saat təşkil edir.

HP Stream 7 planşetini hələ ki yalnız ABŞ-da satın almaq olar.

Milli.Az

Böyütmək üçün şəkilə klikləyin.