Mobil telefon

Nokia-nın adı da silindi

11 Noyabr 2014 22:45
0 Şərh     Baxış: 3 335
VTB-də minimal faiz dərəcəsi ilə nağd kredit 9.9%-dən
#MOBİL TELEFON #MİCROSOFT CORP #ZIF KRİSTAL INVEST FOND A.D. #NOKİA CORP
ABŞ-ın Microsoft korporasiyası adında Nokia sözü olmayan ilk Lumia 535 smartfon modelini təqdim edib. Model 1,2 giqahers takt tezlikli dördnüvəli prosessor, 1 giqabayt tutumlu operativ yaddaş və 8 giqabaytlıq quraşdırılmış yaddaşla təchiz edilib. Qurğu həmçinin 960 x 540 piksel təsvir ölçülü 5 düymlük maye-kristal panelə malikdir.

Milli.Az ICTnews-a istinadən bildirir ki, qurğu iki variantda - bir və ya iki SİM kartı dəstəkləyən variantda buraxılacaq və hər ikisi 3G şəbəkəsinə qoşulmanı dəstəkləyəcək. Lumia 535 Windows Phone 8.1 mobil əməliyyat sisteminin Lumia Denim yenilənməsinin idarəetməsi ilə işləyir.

Mavi, yaşıl, ağ, narıncı, tünd-boz və qara rənglərdə istehsal olunacaq smartfonu bu aydan etibarən 110 avroya almaq mümkün olacaq. Lumia 535 əvvəlcə satışa Çin, Honkonq və Banqladeş, sonradan digər ölkələrin bazarlarına çıxarılacaq.

Qeyd edək ki, ABŞ istehsalçısı Windows Phone mobil əməliyyat sisteminin idarəetməsi ilə işləyən qurğular üçün Nokia Lumia brendindən tam imtina etməklə bağlı niyyətini oktyabrın sonunda bəyan edib. Windows Phone sistemli qurğuların adı Microsoft Lumia ilə əvəzlənəcək, eləcə də Windows istehsalçısının adı Lumia istehsal xəttindən olan gələcək modellərin qapağının ön və arxa tərəflərində qeyd olunacaq. Bundan əlavə, Microsoft korporasiyası Nokia-nın ayrı-ayrı məhsullara həsr edilən bütün saytlarını və sosial şəbəkələrdəki hesablarının adını dəyişib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.