Mobil telefon

Bu smartfonda dönən kamera var

31 Oktyabr 2014 21:37

0 Şərh Baxış: 2 172

VTB-də minimal faiz dərəcəsi ilə nağd kredit 9.9%-dən

#MOBİL TELEFON #QUALCOMM INC

Sinqapurda keçirilmiş xüsusi tədbirdə Çinin Oppo şirkəti yeni qabaqcıl modelini nümayiş etdirib. Oppo N3 adlı qurğu qeyri-adi dönən kameraya malikdir.

Milli.Az ICTnews-a istinadən bildirir ki, cihaz 2,3 QHs takt tezlikli dördnüvəli Qualcomm Snapdragon 801 (MSM8974AA) prosessoru və Adreno 330 qrafik sürətləndiricisi ilə təchiz edilib. Aparata Color OS 2.0.1 əməliyyat sistemi quraşdırılıb. Bu sistem Android 4.4 KitKat mobil əməliyyat sisteminin dəyişilmiş versiyasıdır.

Oppo N3 smartfonu 1920x1080 piksel təsvir ölçülü 5,5 düymlük ekran və Gorilla Glass 3 qoruyucu şüşəsi ilə təchiz edilib. Qabaqcıl smartfon, həmçinin 2 QB əməli və 32 QB daxili yaddaş, sürətli enerjidoldurma funksiyasına malik 3000 milliamper/saat tutumunda akkumulyator batareyası, 4G LTE, Wi-Fi 802.11 ac (2.4 və 5 QHs), Bluetooth 4.0 və GPS simsiz rabitə modulları ilə təchiz edilib.

Smartfona quraşdırılmış bir kamera 206 dərəcə fırlana bilir.

Oppo N3 smartfonunun qiyməti 650 dollar təşkil edəcək.

Milli.Az