Mobil telefon

ASUS-dan ZenWatch saatı

4 Sentyabr 2014 18:58

0 Şərh Baxış: 2 137

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #QUALCOMM INC #ASUSTEK COMPUTER INC

ASUS şirkəti IFA 2014 sərgisində ZenWatch smart saatını nümayiş etdirib. Qurğuda Qualcomm Snapdragon 400 prosessoru tətbiq edilib. Əməli yaddaşın həcmi 512 MB, daxili yaddaş isə 4 QB təşkil edir. Cihaz paslanmayan poladdan korpus, 320×320 piksel təsvir ölçülü 1,63 düymlük ekranla təchiz olunub.

Milli.Az ICTnews-a istinadən bildirir ki, qurğuya daşınan qurğular üçün nəzərdə tutulmuş Android Wear platforması quraşdırılıb. ZenWatch smart saatlarına məxsusi tətbiqlər dəsti quraşdırılıb. ASUS-un təqdim etdiyi yeniliklərdə fiziki idarəetmə düyməsi yoxdur, idarəetmə səs əmrləri ilə həyata keçirilir. Cihazın arxa panelindəki SOS düyməsi istisnadır. O, ştatdankənar vəziyyətlərdə müəyyən nömrəyə zəng edilməsi üçün istifadə olunur.

ZenWatch smart saatları ilin sonunadək satışa çıxarılacaq, təxmini qiyməti 200 funt-sterlinq təşkil edəcək.

Milli.Az