Mobil telefon

IBM müştərilərinə iPhone və iPad satacaq

17 İyul 2014 22:54
0 Şərh     Baxış: 1 619
VTB-də minimal faiz dərəcəsi ilə nağd kredit 9.9%-dən
#APPLE INC #TEXNOLOGİYA #İPHONE #INTERNATİONAL BUSİNESS MACHİNES CORP IBM #İPAD
IBM şirkəti korporativ müştərilərinə iPhone və iPad qurğularını yeni quraşdırılmış biznes əlavələri ilə satacaq. Bu barədə IBM və Apple şirkətlərinin məlumatında deyilir.

Milli.Az ICTnews-a istinadən bildirir ki, şirkətlər korporativ müştərilər üçün mobil həllər sahəsində qlobal saziş imzalayıblar. Sazişin bir hissəsini IBM şirkəti tərəfindən dünyada iPhone və iPadin sahə həlləri ilə birlikdə öz korporativ müştərilərinə satılması təşkil edir, - məlumatda qeyd olunub.

Şirkətlər əməkdaşlıq çərçivəsində iPhone və iPad, müxtəlif sahələr - pərakəndə satış, səhiyyə, bank, turizm və s. sahələr üçün yenidən işlənilərək quraşdırılmış həllər daxil olmaqla yeni korporativ servislər sinfini hazırlamaq niyyətindədirlər.

Şirkətlərin planına əsasən, iOS əməliyyat sistemi üçün IBM Mobile First sahə biznes əlavələri IBM-in böyük həcmli məlumatların emalı sahəsində ekspertizasından və Appleın intuitiv istifadəçi interfeyslərinin yaradılmasında təcrübəsindən istifadə edəcək. IBM ilk həlləri cari ilin payızında buraxmağı planlaşdırır.

Bundan başqa, IBM iOS üçün öz bulud servislərini, o cümlədən təhlükəsizlik, analitika və mobil qurğuların inteqrasiya həllərini optimallaşdıraraq onları vahid mobil platformada birləşdirəcək.

İlk dəfədir biz iOS istifadəçilərinə IBM-in məşhur böyük həcmli məlumatlar analitikasına dərhal çıxış əldə etməyə imkan yaradırıq ki, bu da Apple üçün yeni bazar imkanları açır, - Appleın baş direktoru Tim Kuk bildirib.

Apple şirkəti Apple Care for Enterprise proqramı çərçivəsində mobil qurğuların servis dəstəyini təmin edəcək. Yerlərdə korporativ şəbəkələrə xidmətləri IBM göstərəcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.