Bir ildən sonra...

Milli.Az ICTnews-a istinadən bildirir ki, mobil qoşulmaların sayı ildə 7 faiz artır və təkcə 2014-cü ilin birinci rübündə qoşulmalarda artım 120 milyon təşkil edib. 2019-cu ilin sonunadək ümumi sayı 7,6 milyarda çatacaq mobil qoşulmaların 80 faizi genişzolaqlı mobil internetin payına düşəcək.

Proqnozlara görə, iki ildən sonra - 2016-cı ildə smartfonlar populyarlığına görə mobil telefonları geridə qoyacaq və nəticədə qoşulmuş smartfonların ümumi sayı 5,6 milyarda çatacaq. 2019-cu ildə Avropada 765 milyon smartfon şəbəkəyə qoşulacaq ki, bu da region əhalisinin sayından çoxdur.

2014-cü ilin birinci rübündə smartfonların telefonların ümumi satışında payı 65 faiz təşkil edib. 2019-cu ildə orta smartfon istifadəçisi hər ay hazırkı göstəricidən dörd dəfə çox trafikdən istifadə edəcək. Bu, 2013-2019-cu illərdə genişzolaqlı mobil internet şəbəkələrində trafikin 10 dəfə artmasına səbəb olacaq.

2019-cu ildə Avropa əhalisinin 80 faizi LTE şəbəkələrinin əhatəsi zonasında yaşayacaq. Bununla belə, LTE texnologiyasının Avropada nüfuzetmə səviyyəsi Şimali Amerikadakı 85 faizə nisbətdə 30 faiz təşkil edəcək. Həmçinin Qərbi Avropa və Mərkəzi və Şərqi Avropa ölkələri arasında əhəmiyyətli fərq müşahidə olunacaq. 2019-cu ilədək LTE şəbəkəsinin əhatə zonasına Şimal-Şərqi Asiya əhalisinin 95 faizi daxil olacaq, regionda bu texnologiyanın nüfuzetmə səviyyəsi 45 faiz təşkil edəcək. Dünya LTE qoşulmalarının 25 faizinin Çinin payına düşəcəyi gözlənilir ki, bu da 700 milyondan çox LTE qoşulma deməkdir.

Ericssonun proqnozuna əsasən, 2019-cu ildə Machine-to-Machine (M2M) texnologiyalı aktiv qurğuların sayı 2013-cü ildəki 200 milyonla müqayisədə 3-4 dəfə artacaq. Hazırda əksər M2M qurğuları yalnız GSM texnologiyasını dəstəkləyir. Lakin 2016-cı ildə vəziyyətin dəyişəcəyi proqnozlaşdırılır. Belə ki, aktiv M2M qoşulmalarının çox hissəsi 3G/4G şəbəkələrində həyata keçiriləcək.

Milli.Az