Mobil telefon

8 nəhəng birləşir

15 Aprel 2014 21:55
0 Şərh     Baxış: 2 549
VTB-də minimal faiz dərəcəsi ilə nağd kredit 9.9%-dən
#AFRİCA #MTN #MOBİL TELEFON #VODAFONE GROUP PLC #BHARTİ AİRTEL LTD #EMİRATES TELECOMMUNİCATİONS CORP (ETISALAT) #MTN GROUP LTD #AİRTEL #ETİSALAT
Barselonada Mobile World Congress konfransında keçirilən ilkin müzakirələrin yekunlarına görə, Yaxın Şərq və Afrika regionunun (MEA) səkkiz nəhəng mobil operatoru şəbəkə infrastrukturundan birgə istifadə üzrə təşəbbüs üzərində işə başladıqlarını elan edib. Layihənin əsasını GSMA Mobil Operatorlar Assosiasiyası və səkkiz operator (Bharti Airtel, Etisalat, MTN, Ooredoo, Orange, STC, Vodafone və Zain) arasında imzalanan anlaşma sazişi təşkil edir. 

Milli.Az ICTnews-a istinadən bildirir ki, sazişdə iştirak edən şirkətlər Afrika və Yaxın Şərqin 47 ölkəsində ümumilikdə 79 mobil şəbəkəyə nəzarət edir. Bu, dünyanın ilk belə təşəbbüsü hesab edilir. Bizi mobil və internet xidmətlərinin qiymətini endirmək, uzaq regionları əhatə etmək istəyən mobil operatorların eyni mövqedən çıxış etməsi ruhlandırır. Hazırda Yaxın Şərq və Afrikada istifadəçilərin yalnız 40 faizi mobil şəbəkələrdən yararlana bilir. Dünyada bu göstərici orta hesabla 47 faiz təşkil edir. Buna görə biz əməkdaşlıq etməli və mobil rabitənin yayılmasına imkan yaratmalıyıq, - deyə təşəbbüsü şərh edən GSMA baş direktoru Anna Byuvro deyib.

Təşəbbüsün əsas məqsədinin uzaq rayonların kənd yerləri sakinlərinə rabitə xidmətlərinin təqdim edilməsi olmasına baxmayaraq layihə operatorlara da bonus gətirəcək. Belə ki, məlumat axını emalı sürəti, rabitə keyfiyyəti, eləcə də seqmentə investisiyaların etibarlığı yüksələcək, orta xərclər isə əksinə, azalacaq.

Bizim əməkdaşlığımız onu göstərir ki, sənaye kənd yerlərində yaşayan milyardlarla insanı rabitə ilə təmin etmək üçün innovativ həllərə hazırdır. Biz hökumətləri təklif etdiyimiz şəbəkə infrastrukturundan birgə kommersiya istifadəsi haqqında sazişi dəstəkləməyə və təşviq etməyə çağırırıq, - Bharti Enterprises şirkətinin icraçı direktoru Manoy Koli qeyd edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.