Mobil telefon

Mobil telefonun 30 yaşı tamam oldu

15 Mart 2014 18:11

0 Şərh Baxış: 2 940

VTB-də minimal faiz dərəcəsi ilə nağd kredit 9.9%-dən

#MOBİL TELEFON #MOTOROLA INC

30 il əvvəl - 1984-cü il martın 13-də ilk Motorola DynaTAC 8000 mobil telefonu satışa çıxarılıb. Telefon çox baha olduğundan (3995 dollar və ya inflyasiya nəzərə alınmaqla hazırkı qiymətlərlə 9 min dollar) onu yalnız varlı insanlar ala bilərdi.

O vaxt avtomobillərdə quraşdırılan portativ telefonlar mobil telefonlar adlanırdı. Texnologiya 1940-cı ilin ortalarında hazırlansa da, o vaxtdan telefonu akkumulyator ilə birlikdə avtomobildə yox, insanın özü ilə daşıması üçün miniatürlük problemini heç kim yoluna qoya bilməyib. Əksər şirkətlər hətta amerikalıların hamısının avtomobillərdən tez-tez istifadə etməməsinə və təsadüfi hallarda piyada getmələrinə görə belə telefonlara tələbatın olmayacağını güman edirdilər. Lakin Motorola şirkəti risk etmək qərarına gələrək uğur qazanmağa nail olub. Belə ki, Motorola DynaTAC 8000 modelinin satışları bütün gözləntiləri ötüb.

Milli.Az ICTnews-a istinadən bildirir ki, Motorola DynaTAC 8000 qabaqcıl texnologiya nümunəsi olub. Telefonda hətta ağ-qara mətnli LED displey də quraşdırılmışdı. Hazırda 800 qramlıq böyük ölçüyə malik telefondan istifadə bir o qədər də rahat görünmür, lakin 30 il əvvəl bu, sözün əsl mənasında, həqiqi texnoloji inqilab idi.

Motorola DynaTAC 8000 telefonu 1973-cü ildə buraxılsa da, ABŞ Federal Rabitə Komissiyası lisenziyanı təsdiq etmək və mobil rabitəyə tezliklər ayırmaq üçün təxminən on il sərf edib. İlk kommersiya mobil rabitə operatoru hesab edilən Ameritech şirkəti 1983-cü il oktyabrın 12-də fəaliyyətə başlayıb. Operator saat 9:00-dan 17:00-dək 50 dollar məbləğində aylıq abunə haqqı və üstəgəl bir dəqiqəlik danışıq üçün 0,40 dollar (digər vaxtlarda 0,24 dollar) tarifi ilə xidmətlərin göstərilməsi ilə məşğul olub.

Milli.Az

Milli.Az - Xəbər Portalı

Mobil telefonun 30 yaşı tamam oldu

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?