Mobil telefon

Bu smartfon iki sistemdə işləyir

23 Fevral 2014 18:58
0 Şərh     Baxış: 2 388
VTB-də minimal faiz dərəcəsi ilə nağd kredit 9.9%-dən
#MOBİL TELEFON #INTEL CORP #FİREFOX
İspaniyanın Geeksphone şirkəti Android və Firefox OS əməliyyat sistemlərinin idarəetməsi ilə işləyən ilk Revolution smartfon modelinin satışlarına başlayıb.

Smartfonda 1,6 GHs takt tezlikli ikinüvəli Intel Atom prosessoru, 2 giqabaytlıq operativ yaddaş və 4 giqabayt tutumlu daxili toplayıcı quraşdırılıb. Qurğu 4,7 düymlü IPS matrisalı qHD displey, 8 meqapikselli əsas və 1,3 meqapikselli ön, eləcə də 2000 milliamper/saat tutumlu batareya ilə təchiz edilib. Bundan başqa, 32 giqabayt tutuma malik yaddaş kartı dəstəklənir.

Milli.Az ICTnews-a istinadən bildirir ki, Revolution smartfonu Firefox OS sistemli ən güclü qurğu hesab edilir. ZTE və Alcatel şirkətləri də tezliklə Mozilla əməliyyat sistemli smartfonların satışına başlayacaq. 2013-cü ilin aprelindən Geeksphone iki model təqdim edib. Bunlar Keon (3,5 düymlü ekran, 1 giqahersli Snapdragon S1çipi, 4 giqabaytlıq fləş-yaddaş, 3 meqapikselli kamera) və Peak (4,3 düymlü qHD-displey, 2 nüvəli çip, 8 meqapikselli kamera, 4 giqabaytlıq operativ yaddaş) modelləri olub.

Qeyd edək ki, Firefox OS Mozilla şirkəti tərəfindən hazırlanan mobil əməliyyat sistemidir. Sistem HTML, CSS və JavaScript açıq standartlarına əsaslanır ki, bu da ona əksər veb-əlavələrlə uyğunluğa imkan verir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.