Mobil telefon

Lenovo lider olmaq istəyir

1 Yanvar 2014 19:11

2 Şərh Baxış: 1 888

#LENOVO GROUP LTD

Son zamanlar sürətlə inkişaf edən və fərdi kompüter (FK) bazarında liderliyi ələ keçirən Çinin Lenovo şirkətinin rəhbərliyi yaxın gələcəkdə qlobal mobil qurğu bazarında lider olmağı qarşısına hədəf qoyub. Bu haqda bu vaxtlarda Lenovo şirkətinin beynəlxalq biznes bölməsinin vitse-prezidenti Cey Di Hovard deyib.

Milli.Az ICTnews-a istinadən bildirir ki, şirkət rəhbərliyinin qarşıya qoyduğu hədəfə nail olmaq çox çətin olacaq, lakin Lenova şirkətinin FK bazarında liderliyi 5 il bundan əvvəl əlçatmaz görünürdü. Qeyd edək ki, Lenovo hazırda faktiki olaraq dünyanın üçüncü ən böyük smartfon və planşet tədarükçüsüdür. Bundan başqa, son il ərzində şirkət mobil qurğu tədarüklərinin həcmini 7-dən 12,9 milyona qədər artırıb.

Milli.Az