Mobil telefon

Çində ilk dəfə...

28 Dekabr 2013 19:16
0 Şərh     Baxış: 2 164
VTB-də minimal faiz dərəcəsi ilə nağd kredit 9.9%-dən
#CHİNA MOBİLE LİMİTED #CHİNA TELECOM CORP LTD
Çin ilk dəfə ölkənin mobil rabitə bazarında özəl şirkətlərin fəaliyyətinə icazə verib. İlk icazələri on bir şirkət alıb.

Lisenziyanın alınması özəl müəssisələrə dövlət mobil rabitə operatorlarının - China Mobile, China Unicorn və China Telecom şirkətlərinin infrastrukturunun bir hissəsini icarəyə götürməyə imkan verəcək. Ölkənin Sənaye və İnformasiya Texnologiyaları Nazirliyi bildirib ki, nazirlik dövlət mobil rabitə şirkətlərinin özəl müəssisələrlə birgə fəaliyyətinə nəzarəti həyata keçirəcək.

Milli.Az ICTnews-a istinadən bildirir ki, fəaliyyət üçün icazə alanlar arasında Alibaba Group onlayn mağazasının bölməsi Net.cn, həmçinin Jingdong Century Trading, mobil telefon satışı ilə məşğul olan nəhəng DiXin Tong kimi şirkətlər yer alıb.

Özəl şirkətlərə lisenziyaların verilməsi Çinin mobil rabitə bazarında rəqabətin artırılması və xidmət keyfiyyətinin yaxşılaşdırılması üzrə ikiillik sınaq proqramının tərkib hissəsini təşkil edir. Proqnozlara əsasən, 2018-ci ilədək özəl operatorların payı bazarın 10 faizinə bərabər ola bilər. Bloomberg agentliyi Çinin mobil rabitə bazarının illik dövriyyəsini 213 milyard dollar dəyərində qiymətləndirib. Ümumilikdə isə Çində 1,2 milyard mobil rabitə istifadəçisi var.

China Mobile dövlət müəssisəsi dünyanın ən nəhəng mobil rabitə şirkəti hesab edilir. 2013-cü ilin üçüncü rübünə olan vəziyyətə görə, şirkətin 755 milyon nəfər abunəçisi olub. Qeyd olunan dövr ərzində operatorun xalis gəliri 4,7 milyard dollara çatıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.