Mobil telefon

Sharp-dan sərt qərar

21 Noyabr 2013 21:30
0 Şərh     Baxış: 1 785
VTB-də minimal faiz dərəcəsi ilə nağd kredit 9.9%-dən
#MOBİL TELEFON #HON HAİ PRECİSİON INDUSTRY CO LTD #FOXCONN TECHNOLOGY CO LTD
Foxconn Technology Group şirkəti Çin bazarında satılan Sharp brendli mobil telefonların istehsalını dayandıracaq.

Milli.Az ICTnews-a istinadən bildirir ki, Yaponiyanın Sharp elektronika və displey istehsalçısı 2012-ci ildə satışına Çində başlanılan mobil telefonların satış həcminin zəif olması səbəbindən diqqətini yerli bazara yönəltmək niyyətindədir.

Sharp üçün Foxconn-un istehsal gücü ilə smartfonların buraxılması 2012-ci ildə - Hon Hai Precision Industry şirkətinin (bazarda Foxconn adı ilə fəaliyyət göstərir) idarə heyətinin sədri Terri Qou Sharp-ın maye-kristal televizor panellərinin istehsalı üzrə zavoduna investisiyalar yatırmağa razılıq verdikdən sonra başlayan genişmiqyaslı əməkdaşlığın tərkib hissəsi olub. Bundan başqa, Hon Hai tərəfdaşın 10 faizlik payını almağı planlaşdırsa da, Sharp-ın səhmlərinin məzənnəsinin azalmasına görə sövdələşmə baş tutmayıb.

Hazırda şirkətlər Çinin smartfon bazarında fəaliyyət göstərməkdən imtina edərək yerli istehsalçılar tərəfindən artan rəqabət fonunda öz imkan və risklərini qiymətləndirib.

Lakin şirkətlər digər sahələrdə, o cümlədən panel istehsalı sahəsində tərəfdaşlıq əlaqələrini saxlayacaq.

Qeyd edək ki, ikinci maliyyə ilində (2013-cü il iyul-sentyabr) Sharp-ın xalis mənfəəti 13,6 milyard yen (136 milyon dollar) təşkil etdiyi halda bir il əvvəl 249,2 milyard yen məbləğində maliyyə itkisi ilə üzləşib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.