Mobil telefon

Yeni Androiddə nələr var?

1 Noyabr 2013 21:44

0 Şərh Baxış: 1 911

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #MOBİL TELEFON #GOOGLE INC #NESTLE SA #GOOGLE ANDROİD

Google şirkəti dünən Android 4.4 mobil əməliyyat sistemini təqdim edib. Yeni platforma Nestle şirkəti tərəfindən istehsal edilən şokolad batonunun şərəfinə KitKat adlandırılıb.

ICTnews elektron xəbər xidməti pitbit.ru saytına istinadən bildirir ki, 4.4 platformasında əsas yeniliklərdən biri təkmilləşdirilmiş telefon tətbiqi olub. Belə ki, artıq yalnız ünvan kitabçasındakı məlumatlar deyil, həm də coğrafi yaxınlıq üzrə yerləşən şirkətlərin kontakt məlumatları göstərilir. Bu informasiya Google Mapsdan götürülür. SMS və MMS Hangouts tətbiqində açılır.

Bundan başqa, şirkət ƏS-nin interfeysini dəyişdirib.

Google şirkətindən bildirilib ki, Android 4.4 platforması texniki xüsusiyyətləri zəif olan aparatlarda işləyə biləcək. Əməliyyat sisteminin işləməsi üçün 512 MB əməli yaddaş kifayətdir.

Şirkət, həmçinin Android platformasının bəzi əsas proqramlarını yeniləyib və ƏS-nə yeni tətbiqlər əlavə edib: Quickoffice ofis paketi, addımölçən və Emoji klaviaturası.

Android 4.4 platforması əsaslı ilk smartfon yeni ƏS ilə eyni zamanda təqdim edilmiş LG Nexus 5 aparatı olacaq. Yaxın həftələr ərzində Nexus 4, Nexus 7 və Nexus 10, həmçinin Samsung Galaxy S4 Google Edition və HTC One Google Edition smartfonlarının istifadəçiləri əməliyyat sistemini 4.4 versiyasına kimi yeniləyə biləcəklər.

Android dünyanın ən populyar mobil əməliyyat sistemidir. 2013-cü ilədək bu platforma ilə işləyən milyarddan çox qurğu aktivləşdirilib.

Bu platformanın çatışmazlıqlarından biri fraqmentlik hesab edilir: 4.1.x sistemin ən populyar versiyasıdır. Qurğuların 36.5%-i bu sistemlə işləyir.

Milli.Az