Mobil telefon

Çinlilər nəhəng şəbəkə qururlar

5 Oktyabr 2013 18:11
0 Şərh     Baxış: 1 730
VTB-də minimal faiz dərəcəsi ilə nağd kredit 9.9%-dən
#WİRELESS #CHİNA MOBİLE LİMİTED
Çinin China Mobile mobil rabitə operatoru bir sıra LTE şəbəkə avadanlığı tədarükçüləri ilə ümumi məbləği 3,2 milyard dollar təşkil edən saziş imzalayıb. Bu barədə operatorun məlumatında deyilir.

Sazişlər operator tərəfindən LTE şəbəkəsinin qurulmasının birinci mərhələsi çərçivəsində həyata keçirilir. Sənədə əsasən, Alcatel-Lucent Fransa-ABŞ istehsalçısı cari ilin sonunadək 207 min baza stansiyası tədarük edəcək ki, bu da alışların ümumi sayının 11 faizi deməkdir. Bundan başqa, operator Ericsson və NSN şirkətləri ilə də saziş imzalayıb, lakin sənədlərin şərtləri haqqında hələlik məlumat verilmir.

Milli.Az ICTnews-a istinadən bildirir ki, operator beynəlxalq şirkətlərlə yanaşı, Çinin Datang Mobile, FiberHome Technologies, Potevio və New Postcom Equipment Company istehsalçılarından da avadanlıq alır.

Qeyd edək ki, IHS analitik şirkətinin məlumatına görə, 2013-cü ildə dünyada LTE şəbəkəsi infrastrukturunun bazar həcmi 24 milyard dollara yaxın olacaq ki, bu da 2012-ci ilin illik göstəricisindən təxminən 3 dəfə çoxdur.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.