Mobil telefon

Apple-in tənəzzülü başlanır? - FOTO

19 Sentyabr 2013 15:29

8 Şərh Baxış: 3 777

VTB-də minimal faiz dərəcəsi ilə nağd kredit 9.9%-dən

#POPULYAR XƏBƏRLƏR #APPLE INC #İPHONE #İPAD #İPOD SERİES

Dünən ABŞ-ın Apple korporasiyası iOS7 əməliyyat sistemini yüklənmə üçün açıq elan etdi.

iPhone 4, iPhone 4S, iPhone 5C, və iPhone 5S smartfonları, habelə iPad 2, New iPad, iPapd mini və iPad 4, iPod touch üçün nəzərdə tutulmuş əməliyyat sisteminin yüklənməsi başlananda ciddi problemlər yaranıb.

Milli.Az Gizmodo-ya istinadən bildirir ki, on minlərlə istifadəçi smartfonuna iOS7 yükləməyə başlayanda proses iki saatdan 10 saata qədər davam edib.

Bir çox istifadəçi isə, ümumiyyətlə, yüklənmə prosesinin baş tutmadığını bildirib.

Dünən sosial şəbəkələrdə, xüsusilə də Twitter mikrobloqinq servisində milyonlarla iPhone və iPad istifadəçisi yeni əməliyyat sistemində yaranmış problemlərdən şikayətləniblər.

Aplle isə bəyan edib ki, yaranmış problem eyni vaxtda çox adamın yeni əməliyyat sistemini yükləməyə çalışmaları ilə bağlıdır.

Hazırda dünyada Apple-in 700 milyondan artıq qaceti var.

iOS7 əməliyyat sistemi iPad4 planşeti üçün 935 meqabayt, iPhone 5 üçün 752 meqabayt, iPad mini üçün 736 meqabaytdır.

Bu arada bəlli olub ki, iPhone 5S və iPhone 5 C smartfonlarına olan ilkin sifarişlərlə tələbat gözləndiyi səviyyədə olmayıb.

Apple korporasiyasının "ucuz iPhone" kimi təqdim etdiyi, plastik korpuslu iPhone 5C inkişaf etməkdə olan ölkələr, xüsusilə də nəhəng Çin bazarında uğura hesablanmışdı.

Fəqət, sifarişlər ehtimalları doğrultmayıb.

Gizmodo ekspertlərinin fikrincə, Apple-in tənəzzülü başlanır.

Milli.Az

Böyütmək üçün şəkillərə klikləyin.

Fotolar: Daily Mail, Gizmodo