Mobil telefon

HTC One ümidləri doğrultmadı

20 İyul 2013 23:53
0 Şərh     Baxış: 1 673
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #MOBİL TELEFON #MACQUARİE GROUP LTD
Analitiklər yüksək sinfili qurğular bazarında artım tempinin zəifləməsi ilə əlaqədar olaraq HTC şirkətinin qabaqcıl smartfonunun tədarük həcminin xeyli aşağı düşəcəyini proqnozlaşdırırlar.

Milli.Az ICTnews-a istinadən bildirir ki, Avstraliyanın Macquarie Securities investisiya bankının proqnozuna əsasən, 2013-cü ilin üçüncü rübündə HTC One smartfon modelinin tədarükü 40 faiz - ikinci rübdə qeydə alınan 3-3,5 milyon ədəddən 1,8-2,1 milyon ədədədək azala bilər.

Ekspertlər qeyd edirlər ki, cari ilin mayında modelin tədarükü 1,5 milyon ədədə çatdığı halda iyunda 1 milyon ədədədək aşağı düşüb. Azalmanın gələcəkdə də davam edəcəyi, iyul-sentyabrda aylıq tədarük həcminin cəmi 600-700 min ədəd səviyyəsində olacağı güman edilir.

Macquarie Securitiesin Tayvan bölməsinin analitiki Daniel Çanqın fikrincə, rəqabətin artması və ən son smartfon modellərinin təqdim edilməsi HTC-yə bir sıra problemlər yarada bilər.

Ekspertin qiymətləndirməsinə görə, HTC One smartfonları şirkətin ötən rübdə tədarük etdiyi telefonların ümumi həcminin 40 faizini təşkil edərək 60 faizlik mədaxil hasil edib. Tədarükün proqnozlaşdırılan azalmasını nəzərə alaraq iyul-sentyabrda satışın 15-20 faiz azalacağı bildirilir. Vəziyyət belə pessimist məcrada davam edəcəyi halda HTC analitiklərin ondan gözlədiyi nəticəni nümayiş etdirə bilməyəcək. Onların hesablamalarına görə, şirkətin mədaxili ötən rübdəki səviyyədə qalmalıdır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.