Kulinariya

Yeməkləri dada gətirən sumağın hazırlanma qaydası ilə tanış olaq

16 Avqust 2019 21:40
5 Şərh     Baxış: 1 623

Süfrələrə bəzək, yeməklərə xüsusi dad verən sumaq avqust ayında toplanır. Qutab, lülə-kabab, balıq, qızardılmış ət və digər təamları sumaqla yeməyi xoşlayanların əksəriyyəti bu ədviyyatın necə hazırlanmasından xəbərsizdir.

Milli.Az AZƏRTAC-a istinadən bildirir ki, sumaq ağacının meyvələri budaqların uc hissəsindəki zoğlarda salxım şəklində olur. Yetişən xırda meyvələr qırmızı rəngə çalır. Yazlıq və payızlıq növü olan sumağın xüsusi yığılma və emal qaydaları var.

Hündürlüyü üç metrə çatan sumaq ağaclarına daha çox Quba rayonunun Zərqava inzibati ərazi dairəsinə aid dağlıq kəndlərdə rast gəlmək mümkündür.

Bu ərazidəki Kələnov kəndinin sakini Mariya Salahova uzun illərdir yabanı halda bitən bitkinin meyvələrini toplayaraq gəlir əldə etdiyini bildirir.

"Bir insan ağaclardan gün ərzində 20 kiloqramadək sumaq yığa bilər ki, bundan da cəmi 3-4 kiloqram təmiz ədviyyat alınır. Bitki yığıldıqdan sonra bir müddət qurudulur. Həmin xammal döyülür və meyvələr zoğdan ayrılır. Meyvələr ikinci dəfə tam quruyanadək saxlanıldıqdan sonra yenidən emal olunur. Bunun üçün meyvələr xüsusi torbalara doldurularaq toxumlarından ayrılanadək əzilir. Əldə edilən məhsul ələkdən keçirildikdən sonra hazır vəziyyətə gəlir", - deyə M. Salahova söyləyir.

Böyük zəhmətlə ərsəyə gələn sumağın bir kiloqramı 10-15 manata, stəkanı isə 2 manata satılır.

Kənd sakinləri deyirlər ki, bu bitkinin toplanması zamanı diqqətli olmaq lazımdır. Sumağı əlcəklə yığmaq məsləhətdir. Əks halda, bitkinin turşluğu əl və qol nahiyəsində yaralar əmələ gətirə bilər.

250-yə yaxın növü olan sumaq bitkisinə Azərbaycanda Quba ilə yanaşı, Lənkəran, Göyçay, Şəki və Zaqatala rayonlarının dağ meşələrində də təsadüf edilir.

Sumaq meyvəsinin tərkibində 18-20 faiz aşılayıcı maddə, şəkər, üzvi turşular, C və K vitaminləri var. Meyvəsindən xalq təbabətində çay kimi dəmləyib ishala və dezinteriyaya qarşı işlədilir. Elmi təbabətdə duru ekstrakt hazırlayıb hipertoniyada, eləcə də şəkər xəstəliyi zamanı içirlər.

Milli.Az

Məqaləyə dair fotomateriallar:

loading...

Şərh yaz:

5 Şərh:

  • Anonim
    asi · 16 Avqust 22:0342

    Çox xoşladığım bir ədviyyat). .Bilmirəm yeyən olub ya yox, mən sumağı ağ pendirin üzərinə səpib yeməyi xoşlayıram)..Birdə pul bibər səpirəm pendirə)..Pendiri nazik dilimlərə doğrayıb yığıram boşqaba..Üzərinə sumaq, pul bibər səpirəm..Bir az da kərə yağı əridib tökürəm üzərinə..Sonra bəh-bəhlə nuş edirəm)).. Düzdür, evdə məndən başqa yeyən olmur bu cür pendir)).

    Cavab yaz
    • Anonim
      Ulya · 16 Avqust 23:1734

      men pendir olan sufrede eyleshmirem (((( men size qonaq gelende pendiri ozun oturan yere qoyarsan ))))) evde oglum birce dilim pendir de yese gonderirem ki, geeeet dishlerini yu. yoxsa mene teref gele bilmez.

      Cavab yaz
      • Anonim
        Papatya · 16 Avqust 23:4534

        Yadimdadi, bir defe bu barede ehvalat danismişdin. Yeni evli olanda metbexden pendir getirmeyini isteyibler, apara bilmemisen)

        Cavab yaz
        • Anonim
          Ulya · 17 Avqust 00:1222

          bravooo)))))))

          Cavab yaz
  • Anonim
    Papatya · 16 Avqust 23:5021

    Pendiri men de cox sevirem. Xususile ağappaq yağ kimi coreyin uzerine yayilan pendir vare, onu çoox sevirem. Yerde qalan basqa cesidleri cox beyenirem. Burger dilim pendirini, yemeklerde hollandi, hamisinii...

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.