Kulinariya

Mətbəx sirləri: Kitel

5 İyul 2014 07:00
54 Şərh     Baxış: 5 222
VTB-də minimal faiz dərəcəsi ilə nağd kredit 9.9%-dən
#KULİNARİYA
Milli.Az "Sofra" dərgisinə istinadən kitelin hazırlanma qaydasını təqdim edir

Tərkibi (6 pay):

xəmir:
2 st. narın bulqur
2 st. qaynar su
1 yumurta
5 x.q. un
duz

iç:
2 x.q. bitki yaı
1 soğan
350 q yağsız qiymə
duz
qara istiot

Bulqurun üzərinə 2 st. qaynar su töküb isladın. Ağzını örtüb 5 dəqiqə, yumşalanadək saxlayın.

Bu müddətdə soğanı xırda doğrayıb bitki yağında qovurun, qiyməni əlavə edin, 3-4 dəqiqə qovurandan sonra duz və istiot vuraraq ocaqdan götürün.

Yumşalmış bulqura yumurta, un və duz əlavə edib ara-sıra su qataraq xəmir yoğurun.

Bu xəmirdən yumurta böyüklükdə kündələr tutun. Ortasını oyub qiyməni içinə doldurun, ağzını birləşdirib ovcunuzun içində yastılayın.
Bir qazanda su qaynadın, 1 ç.q. su əlavə edin. Kitelləri qaynayan suda 5 dəqiqə bişirin.

Kəfkirlə götürüb boşqablara çəkin. Süfrəyə qatıq və ya xama ilə verə bilərsiniz.

Nuş olsun!

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.