İdman

“Real” Mbappeni SATIR

18 May 2026 14:35
Baxış: 599
VTB-də minimal faiz dərəcəsi ilə nağd kredit 9.9%-dən
#TRANSFERLƏR #REAL MADRİD #FUTBOL

"Real Madrid"in ulduz futbolçusu Kilian Mbappe ətrafında yeni transfer iddiaları gündəmə gəlib.

Milli.Az xarici mətbuata istinadən xəbər verir ki, klub prezidenti Florentino Perez fransız hücumçunu 250 milyon avro qarşılığında transfer siyahısına daxil edib. İddialarda qeyd olunur ki, rəhbərlik komanda daxilində yaranan gərginlik səbəbindən radikal qərarlar verməyə hazırlaşır.

Son həftələrdə Kilian Mbappenin azarkeşlər tərəfindən sərt tənqid olunması da diqqətdən qaçmayıb. "Santyaqo Bernabeu" stadionunda keçirilən "Oviedo" matçında futbolçunun adı səsləndirilərkən tribunadan fit səsləri eşidilib.

Bundan əlavə, futbolçunun "El Klasiko"dan əvvəl aktrisa Ester Eksposito ilə İtaliyaya səfər etməsi də İspaniya mediasında geniş müzakirələrə səbəb olub. Bəzi xəbərlərdə komanda daxilində bir sıra oyunçuların ona göstərilən xüsusi münasibətdən narazı olduğu bildirilib.

Sosial şəbəkələrdə yayılan digər görüntülərdə isə Mbappenin anasının azarkeş reaksiyasına gülməsi geniş rezonans doğurub.

Mövsümün sonuna yaxın "Real Madrid"də gərgin atmosferin davam etdiyi və futbolçunun gələcəyi ilə bağlı yaxın günlərdə yeni qərarların verilə biləcəyi iddia olunur.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.